Vidhan Parishad Election 2025 : विधानपरिषदेसाठी अखेर शिंदे गटाने जाहीर केला उमेदवार, कुणाला मिळाली संधी?

Vidhan Parishad Election eknath shinde faction candidate announced: विधानपरिषदेच्या रिक्त झालेल्या पाच जागांसाठी २७ मार्च रोजी निवडणूक होणार आहे. त्यासाठी उमेदवारी अर्ज भरण्याचा आज शेवटचा दिवस आहे. दुपारी तीन वाजेपर्यंत उमेदवारी अर्ज दाखल करता येणार आहे. .दरम्यान, उमेदवारी अर्ज भरण्याची मुदत संपण्याच्या काही तासांपूर्वी आता शिंदे गटाकडून त्यांच्या उमेदवाराची घोषणा करण्यात आली आहे. शिंदे गटाकडून विधानपरिषदेसाठी चंद्रकांत रघुवंशी यांच्या नावावर शिक्कामोर्तब करण्यात आलं आहे. चंद्रकांत रघुवंशी हे शिंदे गटाचे विधानपरिषदेचे उमेदवार असणार आहेत..Vidhan Parishad Election 2025 : विधान परिषद निवडणुकीसाठी भाजपकडून तीन उमेदवारांची नावं जाहीर, कुणाला संधी?.रघुवंशी यांनी यापूर्वी जिल्हा परिषद आणि पंचायत समितीत काम केलं आहे. यापूर्वी ते काँग्रेसमध्ये होते. मात्र, २०१९ मध्ये त्यांनी काँग्रेसची साथ सोडत शिवसेनेत प्रवेश केला. ज्यावेळी एकनाथ शिंदे यांनी उद्धव ठाकरे यांची साथ सोडली तेव्हा रघुवंशी यांनी एकनाथ शिंदेंबरोबर जाण्याचा निर्णय घेतला. त्यावेळी अत्यंत महत्त्वाची भूमिका बजावली. दरम्यान, चंद्रकांत रघुवंशी आज दुपारी वरिष्ठ नेत्यांच्या उपस्थिती अर्ज भरणार असल्याची माहिती पुढे आली आहे..महायुतीत भाजपच्या वाट्याला तीन जागा आल्या आहेत. तर अजित पवार यांच्या राष्ट्रवादीला आणि एकनाथ शिंदे यांच्या शिवसेनेला प्रत्येकी एक जागा मिळाली आहे. भाजपने काल त्यांचे उमेदवार जाहीर केले आहेत. याशिवाय आज शिंदे गटानेही त्यांचा उमेदवार जाहीर केला आहे. मात्र, अजित पवार गटाकडून कुणाला संधी मिळणार याबाबत सर्वांना उत्सुकता लागली आहे. .Vidhan Parishad Election : विधान परिषदेची 'ती' जागा कुणाला? गोपीचंद पडळकरांच्या रिक्त जागेबद्दल भाजपचा निर्णय काय?.विधानपरिषदेच्या पाच आमदारांनी विधानसभा निवडणूक लढवली होती. यात त्याचा विजय झाला होता. त्यामुळे त्यांच्या जागा आता रिक्त झाल्या आहेत. या जागांसाठी २७ मार्च रोजी निवडणूक होणार आहे. त्यासाठी उमेदवारी अर्ज भरण्याचा आज शेवटचा दिवस आहे. महत्त्वाचे म्हणजे महाविकास आघाडीच्या संख्याबळ बघता ही निवडणूक बिनविरोध होण्याची शक्यता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.