Vinayak Mete : मेटेंच्या निधनाबाबत धक्कादायक खुलासा; गुढ वाढलं | Sakal
sakal

बोलून बातमी शोधा

MLA Vinayak Mete Accident Death

Vinayak Mete : मेटेंच्या निधनाबाबत धक्कादायक खुलासा; गुढ वाढलं

Vinayak Mete : शिवसंग्रामचे अध्यक्ष विनायक मेटे याच्या अपघाती निधनानंतर त्यांच्या गाडीचा खरंच अपघात झाला की घातपात याबाबत शंका उपस्थित केली जात आहे. अशातच बीड येथील शिवसंग्रामच्या पदाधिकाऱ्यांनी धक्कादायक खुलासा केला आहे. मेटे यांच्या गाडीचा 3 ऑगस्टलादेखील घातपाताचा प्रयत्न झाला होता. बीडहून पुण्याकडे जात असताना शिक्रापूरजवळ दोन गाड्यांनी मेटेंच्या गाडीचा पाठलाग केला होता असा खुलासा बीड येथील पदाधिकारी अण्णासाहेब माळकर यांनी केला आहे. त्यांच्या या दाव्यानंतर मेटेंच्या गाडीचा खरंच अपघात झाला की घातपात झाला असा प्रश्न उपस्थित झाला आहे.

हेही वाचा: Accident News : पाकिस्तानात भीषण रस्ता अपघात; बस-टँकरच्या धडकेत 20 ठार, 6 जण जखमी

माळकर म्हणाले की, मेटे तीन ऑगस्टला बीडहून पुण्याला जात होते त्यावेळीदेखील शिक्रापूर जवळ दोन गाड्यांनी मेटे यांच्या गाडीचा पाठलाग केला होता. तसेच या गाडीने आमच्या गाडीला कट मारण्याचादेखील प्रयत्न केला होता. या घटनेवेळी आपण स्वतः त्यांच्यासोबत होता. आयशर गाडी आपला वारंवार पाठलाग करत असल्याचे आपण मेटेंना सांगितल्याचेही ते म्हणाले.

त्यावेळी संबंधित गाडीचा चालक नशेत असेल त्यामुळे तो वारंवार पाठलाग करत असेल असे मेटे साहेब म्हणाले होते. त्यामुळे 14 तारखेला पहाटे पुणे-मुंबई द्रुतगती महामार्गावर झालेल्या अपघातातदेखील पाठलाग करणारी गाडी असेल तर, नक्कीच हा घातपातच असण्याची शक्यता असून, असे असल्यास आम्ही शांत बसणार नाही, असे माळकर यांनी स्पष्ट केले.

हेही वाचा: Video : विलासरावांनंतर बरोबर १० वर्षांनी मेटे यांच्यावर काळाने झडप घातली

पुणे-मुंबई एक्सप्रेसवेवर नेमकं काय घडलं?

शिवसंग्रमचे अध्यक्ष विनायक मेटे मराठा समन्वय समितीच्या बैठकीसाठी बीडहून मुंबईच्या दिशेने निघाले होते. त्यावेळी त्यांच्या कारला खालापूर टोलनाका पास केल्यानंतर अपघात झाला. यात मेटे गंभीर जखमी झाले होते. घटनेनंतर त्यांना तात्काळ पनवेल येथील एमजीएम रूग्णालयात उपचारांसाठी दाखल करण्यात आले होते. मात्र, तेथे डॉक्टरांनी त्यांनी मृत घोषित केले.

दरम्यान, आता बीड येथील शिवसंग्रामचे माळकर यांनी केलेल्या या धक्कादायक दाव्यानंतर या घटनेला वेगळे वळण लागण्याची शक्यता आहे. अपघातानंतर मेटेंच्या चालकानेही मदत मिळायला उशिर झाल्याचे म्हटले आहे.

मेटेंच्या पत्नीची चौकशीची मागणी

दरम्यान, माळकर यांच्या धक्कादायक खुलाशानंतर विनायक मेटे यांच्या पत्नी ज्योती मेटे यांनी संपूर्ण घटनेच्या चौकशीची मागणी केली आहे. तसेच मेटे यांच्या गाडीचा तीन ऑगस्ट रोजी पाठलाग करणाऱ्या आणि घटनेवेळच्या गाडीचा तपास करण्यात यावा अशी मागणीची मेटे यांच्या पत्नी ज्योती मेटे यांनी केली आहे.

Web Title: Vinayak Mete Accident Death One Car Fallow 10 Days While Travailing Beed To Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..