Vinod Tawade : आईच्या निधनानंतर केलं त्वचादान; विनोद तावडे व कुटुंबाचा कौतुकास्पद निर्णय

भाजपा नेते विनोद तावडे यांच्या मातोश्रींचं तीन दिवसांपूर्वीच निधन झालं. त्यांच्या निधनानंतर तावडे कुटुंबीयांनी त्वचादानाचा कौतुकास्पद निर्णय घेतला आहे.

मुख्यमंत्री वैद्यकीय मदत कक्षाचे प्रमुख मंगेश चिवटे यांनी याविषयीची माहिती दिली आहे. भाजपाचे नेते विनोद तावडे यांच्या मातोश्रींच्या निधनानंतर त्वचादानाचा निर्णय तावडे कुटुंबीयांनी घेतला. तावडे यांनी अवयवदानाबद्दलची माहिती आपल्या सहकाऱ्यांसोबत तसंच मित्रमंडळींसोबत शेअरही केली.

भाजपाचे राष्ट्रीय महासचिव विनोद तावडे यांच्या आई विजया श्रीधर तावडे यांचं मुंबईत निधन झालं. त्या ८५ वर्षांच्या होत्या. त्यांच्या पश्चात विनोद यांच्यासह विलास आणि विवेक अशी तीन मुले, कन्या जयश्री, सुना आणि मोठा परिवार आहे.