व्हिपचे उल्लंघन करणाऱ्यांवर कारवाई केली जाईल - मुख्यमंत्री

Chief minister Eknath Shinde
Chief minister Eknath Shinde Chief minister Eknath Shinde

मुंबई : आमच्याकडे शिवसेनेचे एकूण ४० आमदार झाले आहे. ही संख्या आणखी वाढणार आहे. यामुळे खरी शिवसेना आमची आहे. तेव्हा व्हिपचे उल्लंघन करून विरोधात मतदान करणाऱ्या आमदारांवर कारवाई केली जाईल, असे मुख्यमंत्री एकनाथ शिंदे (Eknath Shinde) म्हणाले. (Chief minister Eknath Shinde News)

दोन दिवसीय विशेष अधिवेशन पार पडल्यानंतर ते पत्रकारांशी संवाद साधताना बोलत होते. आज झालेल्या बहुमत चाचणीत महाविकास आघाडीला शंभरीही गाठता आली नाही. शिंदे आणि भाजप (BJP) सरकारला १६४ तर मविआला ९९ मते मिळाली. आज एक आमदार संतोष बांगर आमच्या बाजूने आले. यामुळे आमची संख्या वाढली आहे, असेही मुख्यमंत्री एकनाथ शिंदे (Eknath Shinde) म्हणाले.

Chief minister Eknath Shinde
महाराष्ट्राचे आजवरचे काही विरोधी पक्षनेते; जाणून घ्या कार्यकाळ

समाजातील सर्व घटकांना न्याय देण्याचा प्रयत्न आमचे सरकार करणार आहे. रखडलेले प्रकल्प पूर्ण करण्यावर भर देण्यात येणार आहे. आम्हाला राज्याचा सर्वांगीण विकास करायचा आहे. यामुळे सहकारी व विरोधी पक्षाला विश्वासात घेऊनच निर्णय घेऊ. शंभर टक्के कामे करू शकत नाही. मात्र, जितके शक्य होईल तितके काम करण्याच प्रयत्न राहील, असेही मुख्यमंत्री म्हणाले.

राज्यातील सर्व घटकांना न्याय देण्याचा प्रयत्न आम्ही करणार आहोत. रखडलेले प्रकल्प वेळेमध्ये पूर्ण करण्याचा प्रयत्न करणार आहोत. केंद्राने आम्हाला मदतीचे आश्वासन दिले आहे. यामुळे चिंतेचे कारण नाही. राज्य आणि केंद्र एकत्र आले तर राज्याचा विकास जलदगतीने होतो, असेही मुख्यमंत्री (Eknath Shinde) म्हणाले.

Chief minister Eknath Shinde
आदित्य ठाकरेंची आमदारकी जाणार? व्हिपच्या विरोधात मतदान

आमचे सरकार उरलेले अडीच वर्षांचा कार्यकाळ शंभर टक्के पूर्ण करणार आहे. यापेक्षा जास्त काही बोलत नाही. पुढचं आताच सांगत नाही. कारण, बाकीचे जे म्हणतात तेच मुख्यमंत्री म्हणत आहे, असे म्हणालं, असेही मुख्यमंत्री एकनाथ शिंदे म्हणाले.

भाजप आणि शिवसेनेत मतभेद होणार नाही. आमदार संतोष बांगर आज खऱ्या शिवसेनेते आले आहे. आता आम्ही आनंद दिघे आणि बाळासाहेब ठाकरे यांच्या समाधीस्थळी जात आहे, असेही पत्रकारांशी बोलताना मुख्यमंत्री म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com