गुढीपाडव्याला पावसाचं संकट! विदर्भात गारपीटीचा तर मराठवाड्यासह मध्य महाराष्ट्र अन् कोकणात अवकाळीचा इशारा

Rain and Hailstorm Warning in Maharashtra उन्हाचे चटके तीव्र होऊ लागलेले असताना मराठवाड्यात सोमवारी अचानक हवामानात बदल झाला. काही भागांत ढगाळ वातावरणामुळे उन्हाची तीव्रता कमी झाली, तर लातूर व नांदेड जिल्ह्याच्या काही भागांत अवकाळी पाऊस झाला. मराठवाड्यासह राज्यात अनेक भागात तापमानाचा पारा ४० अंशांच्या वर पोहोचलाय. मात्र तरीही येत्या चार ते पाच दिवसात महाराष्ट्रात बहुतांश भागात पावसाची शक्यता वर्तवण्यात आलीय. काही ठिकाणी गारपीटीचा इशाराही देण्यात आला आहे. सोमवारी लातूरमधील देवणी तालुक्यात सायंकाळी वादळी वाऱ्यासह काहीकाळ झालेल्या मुसळधार पावसाने तडाखा दिला. काही ठिकाणी गारपीट झाल्यामुळे शेतकऱ्यांची धावपळ उडाली.