Uddhav Thackeray: "महिला शक्तीनं देशातील हुकुमशहा संपवावा"; उद्धव ठाकरेंचं महिला दिनी आवाहन

धाराशिव : महिला शक्तीनं देशातील हुकुमशहा संपवावा, असं आवाहन शिवसेना नेते उद्धव ठाकरे यांनी केलं आहे. धाराशिव इथं एका सोहळ्याला संबोधित करताना ते बोलत होते. यावेळी त्यांनी महिला दिनानिमित्त समस्त महिला वर्गानं भारतमातेचं संरक्षण करण्यासाठी आम्हाला आशीर्वाद द्यावेत असं आवाहनही त्यांनी केलं. (women power should end dictator in country uddhav thackeray appeal from dharashiv)

उद्धव ठाकरे म्हणाले, "महिलांना शुभेच्छा देताना मी काय बोलावं हे कळत नाहीए. कारण कोणत्या देशात आपण राहतो इथली राजवट कशी आहे. महाराष्ट्रात काय सुरु आहे. मेरा परिवार असं मोदींनी जाहीर केलं. मग मणिपूरच्या महिला यात येत नाहीत का? तसेच आंदोलन करणाऱ्या महिला कुस्तीपटू यामध्ये येत नाहीत का? अशी महिलांची हालत बघितल्यानंतर त्यांना शुभेच्छा तरी कशा देऊ" (Marathi Tajya Batmya)

धाराशिवमध्ये येऊन काल मी तुळजाभवानीचं दर्शन घेतलं त्या तुळजाभवानीचं तुम्ही रुप आहात. तुमचा आशीर्वाद आम्हाला पाहिजे. कारण ज्या ज्या वेळेला आसूर माजले त्यावेळी जगदंबेनं अवतार घेतले होते म्हणून आपण तिला महिषासूर मर्दिनी म्हणतो. (Latest Marathi News)

म्हणून मी तमाम महिला शक्तीला आवाहन करतो की तुम्ही आता महिषासूरमर्दिनी बना आणि देशात जो हुकुमशहा माजू पाहतोय त्याचं मर्दन करुन पुन्हा एकदा भारत मातेचं रक्षण करण्यासाठी देशातील सर्व महिलांना आम्ही विनंती करतो, वंदन करतो आणि पुढच्या लढाईच्या यशासाठी आशीर्वाद मागतो. ही लढाई मोठी आहे कुठेही फसू नका? अडकू नका. विजयाचा गुलाल उधळल्याशिवाय स्वस्थ बसू नका, असंही ठाकरे यावेळी म्हणाले.