'आई कुठे काय करते' मालिकेतील कलाकारांचा मजेशीर REEL व्हिडीओ

स्टार प्रवाह वाहिनीवरील आई कुठे काय करते aai kuthe kay karte या मालिकेने अल्पावधीतच लोकप्रियता मिळवली. या मालिकेतील प्रत्येक कलाकाराने प्रेक्षकांची मनं जिंकली आहेत. सोशल मीडियावर या कलाकारांना चाहते फॉलो करतात. मालिकेत संजनाची भूमिका साकारणारी अभिनेत्री रुपाली भोसले Rupali Bhosle हिने नुकताच तिच्या इन्स्टाग्राम अकाऊंटवर रील व्हिडीओ पोस्ट केला आहे. या व्हिडीओतील मालिकेतील सर्व कलाकार पहायला मिळत आहेत.

'कभी खुशी, कभी गम', हे गाणं सर्व कलाकार मिळून गाताना दिसत आहेत. गाण्याच्या चार ओळी एकत्र म्हटल्यानंतर सर्वजण निघून जातात. फक्त संजना आणि अरुंधतीच तिथे राहतात. नंतर या दोघीसुद्धा तिथून निघून जातात. रुपालीच्या या मजेशीर रील व्हिडीओला नेटकऱ्यांची पसंती मिळतेय.

आई कुठे काय करते ही मालिका अतिशय उत्कंठावर्धक वळणावर येऊन पोहोचली आहे. अनिरुद्ध आणि अरुंधतीचा घटस्फोट झाल्यानंतर संजनाला लग्नाचे वेध लागले आहेत. गेली कित्येक वर्ष ती ज्या दिवसाची वाट पहात होती तो दिवस आता जवळ आलाय. ३० ऑगस्ट ही या दोघांच्या लग्नाची तारीख पक्की झाली आहे. अनिरुद्धसोबत लग्नगाठ बांधून देशमुखांच्या घरात गृहप्रवेश करण्याचं तिचं स्वप्न पूर्ण होणार का याची उत्सुकता आता वाढली आहे.