Photos : स्वप्नालीच्या हातावर रंगली आस्तादच्या नावाची मेहंदी

अभिनेता आस्ताद काळे व स्वप्नाली पाटील लवकरच लग्नबंधनात अडकणार असून मेहंदीचा कार्यक्रम नुकताच पार पडला. स्वप्नालीच्या हातावर आस्तादच्या नावाची मेहंदी रंगली असून त्याचे फोटो सध्या सोशल मीडियावर व्हायरल झाले आहेत. ऋतुजा गोडसेनं स्वप्नालीचं हे सुंदर फोटोशूट केलं आहे. गेल्या काही दिवसांपासून आस्ताद व स्वप्नालीच्या केळवणाचे फोटो सोशल मीडियावर पाहायला मिळत होते. आता या दोघांच्या लग्नाची उत्सुकता चाहत्यांनाही लागली आहे. 

आस्ताद आणि स्वप्नाली गेल्या काही वर्षांपासून एकमेकांना डेट करत आहेत. 'बिग बॉस मराठी'च्या पहिल्या सिझनमध्ये आस्तादने भाग घेतला होता. या शोदरम्यान त्याने स्वप्नालीसोबतचं नातं जाहीर केलं. हे दोघंही अभिनय क्षेत्रात कार्यरत आहेत. आस्ताद 'चंद्र आहे साक्षीला' या मालिकेत भूमिका साकारतोय तर स्वप्नाली 'स्वराज्यजननी जिजामाता' या मालिकेत महत्त्वाच्या भूमिकेत आहे. 

हेही वाचा : फोटोसाठी पोझ देताना मिया खलिफा अचानक उठून ओरडू लागली; व्हिडीओ व्हायरल

हेही वाचा : शिवीगाळचे मेसेज पाठवणाऱ्याला दीपिकाने सुनावलं; शेअर केला स्क्रीनशॉट

आस्ताद आणि स्वप्नाली 'व्हॅलेंटाइन डे'ला म्हणजेच १४ फेब्रुवारी रोजी लग्नगाठ बांधणार आहेत. विशेष म्हणजे थाटामाटात विवाहसोहळा न करता दोघांनीही कोर्ट मॅरेज करण्याचा निर्णय घेतला आहे. लग्नकार्यावर भरपूर पैसा खर्च न करता नंतर काही महिन्यांनी मोठ्या ट्रिपला जायचा या दोघांचा प्लॅन आहे.