प्रसिध्द अभिनेता आणि निर्माता तारिक शाह यांचे निधन 

मुंबई - बॉलीवूडमधील प्रसिध्द अभिनेता आणि निर्माता - दिग्दर्शक तारिक शहा यांच्या चाहत्यांसाठी वाईट बातमी आहे. ती म्हणजे त्यांचे निधन झाले आहे. शनिवारी रात्री उशिरा त्यांनी एका हॉस्पिटलमध्ये अखेरचा श्वास घेतला. तारिक शाह हे प्रख्यात अभिनेत्री शोमा आनंद यांचे पती होते. तारिक शहा यांच्या जाण्यानं बॉलीवूडवर शोककळा पसरली आहे. सध्या बॉ़लीवूडला कोरोनानं ग्रासलं आहे. यापूर्वी अनेक सेलिब्रेटींना कोरोनाची लागण झाली आहे. ते क्वॉरंटाईन झाले आहेत. दिवसेंदिवस कोरोना वाढत चालला आहे. आपल्यामुळे कुणाला कोरोना होऊ नये यासाठी सर्वांनी काळजी घ्यावी असे आवाहनही कोरोनाग्रस्त कलाकारांनी केली आहे.

शोमा आनंद यांनी कुली, घर व्दार, बडे घर की बेटी आणि हंगामा सारख्या चित्रपटांमध्ये काम केले आहे. तारिक शहा यांच्या निधनाची बातमी फोटोग्राफर विरल भिय़ानीनं सोशल मीडियावर शेअर केली आहे. त्यानं शनिवारी व्टिटरवर लिहिलं आहे की, अतिशय वाईट बातमी आहे. ती म्हणजे जन्मकुंडलीचे अभिनेता आणि दिग्दर्शक तारिक शहा यांचे निधन झाले आहे. सध्या बॉलीवू़डमधील परिस्थिती गंभीर आहे. अनेक प्रसिध्द कलाकारांना कोरोना झाला आहे. त्यामुळे कित्येक चित्रपटांचे चित्रिकरण थांबवण्यात आले आहे. सोशल मीडियावरुनही तारिक यांना श्रध्दांजली वाहण्यात आली आहे.

इंडिया टुडेनं दिलेल्या माहितीनुसार तारिक शाह गेल्या काही काळापासून न्युमोनियानं त्रस्त झाले होते. त्यामुळे त्यांना हॉस्पिटलमध्ये दाखल करण्यात आले होते. तारिक शहा यांनी बहार आने तक, महात्मा आणि मुंबई सेंट्रल सारख्या चित्रपटांमध्ये काम केले होते. त्यांच्या अभिनयाला मोठ्या प्रमाणात चाहत्यांचा प्रतिसाद मिळाला होता. केवळ अभिनयच नाही तर तारिक यांनी दिग्दर्शनाच्या क्षेत्रातही चमकदार कामगिरी केली होती. त्यांनी जन्म कुंडली नावाच्या चित्रपटाचे दिग्दर्शन केले होते. त्यात विनोद खन्ना, जितेंद्र, रिना रॉय आणि अनुपम खेर सारखे कलावंत होते. 1995 मध्ये तो चित्रपट प्रदर्शित झाला होता. इतकचं नाही तर तारिक शहा यांनी कडवा सच नावाच्या मालिकेचे दिग्दर्शन केले होते. त्यालाही चाहत्यांचा प्रतिसाद मिळाला होता.