'नळामुळे माझा दमयंती झाला'; ललित प्रभाकरचा व्हिडीओ चर्चेत

मराठी मालिका आणि चित्रपटांमधून प्रेक्षकांच्या भेटीस येणारा कलाकार ललित प्रभाकर (lalit prabhakar) सोशल मीडियावर विविध फोटो आणि व्हिडीओ नेहमी शेअर करत असतो. त्याच्या प्रत्येक पोस्टला नेटकऱ्यांची पसंती मिळते. नुकताच ललितने एक भन्नाट व्हिडीओ शेअर केला. 'कशी नशिबानं थट्टा आज मांडली' या गाण्यावर ललितने हा व्हिडीओ केला आहे. ललितच्या या व्हिडीओवर त्याच्या चाहत्यांनी आणि अनेक कलाकारांनी लाइक्स आणि कमेंट्सचा वर्षावर केला आहे.

ललितने शेअर केलेल्या व्हि़डीओमध्ये दिसत आहे की, तो बेसिनमध्ये हाथ धुण्याचा प्रयत्न करत आहे. पण तो ज्या नळाखाली हाथ धरत आहे त्यामधून पाणी येत नाही. ललितने एका नळा खाली हात धरला असेल तर पलीकडच्या नळातून पाणी यायला सुरुवात होते. या व्हिडीओला ललितने कॅप्शन दिले , 'हाथ भी नही आया और मूॅंह भी नही लगा'. अभिनेता अमेय वाघने ललितच्या व्हिडीओला कमेंट केली, 'नळ स्टॉपच्या टॉयलेटमध्ये असंच असतं' यावर ललितने त्याला रिप्लाय दिला, 'अरे पण या नळामुळे माझा दमयंती झाला…' अमेयसोबतच अमृता खानविलकर, हेमंत ढोमे, स्पृहा जोशी, मृण्मयी गोडबोले या कलाकरांनी देखील कमेंट करत ललितच्या व्हिडीओला पसंती दिली.

'जुळून येती रेशीमगाठी' या मालिकेमुळे ललितला विशेष लोकप्रियता मिळाली. या मालिकेतील ललित आणि प्राजक्ता माळीच्या जोडीला प्रेक्षकांची पसंती मिळाली होता. त्यानंतर आनंदी गोपाळ, हंपी आणि स्माईल प्लिज या चित्रपटांमध्ये ललितने काम केले. लवकरच ललितचा 'मिडियम स्पायसी' हा चित्रपट प्रेक्षकांच्या भेटीस येणार आहे. या चित्रपटामध्ये ललितसोबत पर्ण पेठे आणि सई ताम्हणकर या अभिनेत्री प्रमुख भूमिकेत दिसणार आहेत.