कोल्हापूर : मूळची पुण्याची असलेली राधिका आपटे या अभिनेत्रीने नेहमीच वेगवेगळ्या धाटणीच्या भूमिका साकारल्या आहेत. फर्ग्युसन महाविद्यालयातून तिने शिक्षण आपले पुर्ण केले. वेब सीरिजची क्वीन म्हणूल ओळखल्या जाणाऱ्या या अभिनेत्रीचा आज 35 वा वाढदिवस आहे. आपल्या प्रत्येक भूमिकेतून प्रेक्षकांच्या मनावर तिने वेगळी छाप उमटवली आहे.
नेटफ्लिक्सवर तर तिचा बोलबाला नेहमीच असतोच. तिने साकारलेल्या भूमिकाही प्रेक्षकांना आवडल्या आहेत. पुण्यातील 'आसक्त' या मराठी नाट्यसंस्थेमध्ये तिने आपल्या अभिनयाच्या शिक्षणाला सुरुवात केली. तू, पूर्णविराम, रात्र आणि कन्यादान इत्यादी मराठी नाटकांमधून तिने अभिनयाच्या क्षेत्रात पाऊल टाकले. २००९ साली भारतातील सर्वोत्कृष्ट राष्ट्रीय चित्रपटाचा पुरस्कार मिळवलेल्या 'अंतहीन' या बंगाली चित्रपटामध्ये तिने 'बृंदा' नावाची व्यक्तिरेखा साकारली होती.
नेटफ्लिक्सवरील वेगवेगळ्या वेब सीरिजमध्ये तिने आपली भूमिका साकारली आहे. 'सेक्रेड गेम्समध्ये' राधिका आपटेने अंजली माथूर म्हणून रॉ एजंटचे भूमिका निभावली होती. यामध्ये तिचा मृत्यू झाल्याचं दाखवण्यात आलं आहे. 'लस्ट स्टोरीजमध्ये' मध्ये तिने कालिंदी म्हणून एका विवाहित प्राध्यापिकेची भूमिका साकारली. अनुराग बासू दिग्दर्शित रवींद्र टागोर यांच्या 'चकोर बाली' या कथानकाच्या एपिसोडध्ये तिने बिनोदिनीची भूमिका केली. काही दिवसांपूर्वीच राधिकाची 'रात अकेली है' ही फिल्मही नेटफ्लिक्सवर रिलीज झाली. यामध्ये ती राधा म्हणून हे, एका राजकीय नेत्याशी तिचं लग्न झालेलं दाखवण्यात आलं आहे.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.