David Dhawan: अभिनेता Varun Dhawan च्या वडीलांवर मोठी हृदय शस्त्रक्रिया.. या रुग्णालयात..

David Dhawan News: बॉलिवूडला एकापेक्षा एक सरस चित्रपट देणाऱ्या निर्माता-दिग्दर्शक म्हणजे डेव्हिड धवन. सध्या डेव्हिड चित्रपट पडद्यापासून दूर असले तरी ते अनेकदा त्यांच्या वैयक्तिक आयुष्यामुळे चर्चेत येतात.

यावेळी डेव्हिड धवन चर्चेत येण्याचे कारण म्हणजे त्याची तब्येत. गेल्या दोन वर्षांपासून डायबेटिसमुळे दिग्दर्शक डेविड धवन यांची तब्येत ठीक नव्हती.

पण आता काही मीडिया रिपोर्ट्स समोर येत आहेत, ज्यामध्ये डेव्हिड धवनवर अँजिओप्लास्टी झाल्याचं बोललं जातंय.

(actor Varun Dhawan's father David Dhawan in a private hospital in Mumbai)

डेविड धवन यांच्यावर मुंबईतील रुग्णालयात अँजिओप्लास्टी करण्यात आली आहे. मात्र डेव्हिड धवनच्या प्रकृतीबाबत अद्याप कोणतेही अधिकृत वक्तव्य आलेले नाही.

मीडिया रिपोर्ट्सनुसार, मुंबईतील एचएन रिलायन्स हॉस्पिटलमध्ये त्यांची अँजिओप्लास्टी करण्यात आली आहे. त्याच्या हृदयात स्टेंट टाकण्यात आल्याचेही बोलले जात आहे.

डेव्हिड धवनच्या कुटुंबीयांनी अद्याप याबाबत कोणालाच काहीही सांगितलेले नाही. डेव्हिड धवनच्या एका जवळच्या व्यक्तीने सांगितले की,

'डेव्हिडची पत्नी लाली धवन, वरुण आणि रोहित शस्त्रक्रियेदरम्यान खूप अस्वस्थ होते. पण आता सर्व काही ठीक आहे. सर्व कुटुंब मिळून डेव्हिड धवन यांची काळजी घेत आहे.

गेल्या वर्षी जूनमध्येही डेव्हिड धवनची तब्येत अचानक बिघडली होती, त्यामुळे त्यांना मुंबईतील रुग्णालयात दाखल करण्यात आले होते. डेव्हिडची तब्येत बिघडली तेव्हा वरुण त्याच्या जुग जुग जिओ या चित्रपटाच्या प्रमोशनमध्ये व्यस्त होता.

त्यानंतर वडील आजारी असल्याची बातमी मिळताच तो चित्रपटाचे प्रमोशन मध्येच सोडून हॉस्पिटलमध्ये गेला. डायबेटीस मुळे डेव्हिड धवन यांची प्रकृती गेल्या वर्षी बिघडली होती.

माजी मिस युनिव्हर्स सुष्मिता सेन आणि शिल्पा शेट्टी यांची आई सुनंदा शेट्टी यांचीही नुकतीच अँजिओप्लास्टी झाली आहे.