जेठालालनं घेतली कोरोनाची लस, मलायकानं केला फोटो व्हायरल  

actress malaika arora and dilip joshi takes the first shot of covid 19 vaccine shares experience
actress malaika arora and dilip joshi takes the first shot of covid 19 vaccine shares experience

मुंबई - कोरोनाची दुसरी लाट धोक्याची ठरताना दिसत आहे. त्याचा वाढता प्रादुर्भाव सर्वांसाठी चिंतेचा विषय झाला आहे. त्यामुळे राज्य शासनानं कोरोनाच्या प्रतिबंधासाठी वेगवेगळ्या उपाययोजना केल्या आहेत. बॉलीवूडमध्येही अनेक सेलिब्रेटींना कोरोना झाला आहे. त्यांनी स्वतला क्वॉरंनटाईन करुन घेतले आहे. आता तारक मेहता का उल्टा चष्माचा प्रमुख अभिनेता दिलीप जोशी आणि अभिनेत्री मलायका अरोरानं कोविडची लस घेतली आहे. त्यांनी लस घेतानाचे फोटो सोशल मीडियावर शेअर केले आहेत. त्या दोघांच्या चाहत्यांनी त्या फोटोला लाईक्स आणि कमेंट केल्या आहेत. तसेच त्यांना काळजी घेण्यास सांगितले आहे. बॉलीवूडमधील अनेक सेलिब्रेटींनी चाहत्यांना कोरोना पासून सावधान राहण्यासाठी काळजी घेण्यास सांगितले आहे.

जेठालालनं आणि मलायकानं सोशल मीडियावर पोस्ट लिहून नागरिकांना कोरोनापासून सावध राहण्याचे आवाहन केले आहे. मलायकानं मुंबईतील लीलावती हॉस्पिटल्समध्ये कोरोनाची लस घेतली आहे. तिनं लिहिलं आहे, मी कोरोनाची पहिली लस घेतली आहे. आपणही ती लस लवकरात लवकर घ्यावी. त्यासाठी उशीर करु नये. कोरोनात युध्दपातळीवर लढणा-या डॉक्टरांना मानाचा सलाम असंही मलायकानं सांगितलं आहे. दिलीप जोशीनंही सोशल मीडियावर फोटो शेअर केला आहे. त्यानं लिहिलं आहे, सर्वांसोबत मजा येते. मी आणि माझी पत्नी आम्ही दोघांनीही कोरोनाची लस घेतली आहे. जर आपण कोरोनाची लस घेण्यासाठी पात्र असाल तर तातडीनं ती लस घ्या. त्यासाठी उशीर करु नका.

जोशीनं लसीकरण करणा-या रुग्णालयाचे आभारही मानले आहेत. काही दिवसांपूर्वी महानायक अमिताभ बच्चन यांनीही कोरोनाची लस घेतली होती. अमिताभ यांनी आपल्या ब्लॉगमध्ये ही माहिती दिली होती. त्यांच्याशिवाय अभिषेक बच्चन यांनीही कोरोनाची लस घेतली आहे. बिग बी यांनी लिहिलं आहे, लस घेतली आहे. आता सर्वजण ठीक आहे. कुटूंबातील सर्व सदस्यांनी कोविडची चाचणी करुन घेतली होती. त्यात ते पॉझिटिव्ह आले होते. त्यामुळे आता सर्वांनी लस घेतली आहे.

 यापूर्वी सलमान खान, संजय दत्त, शर्मिला टागोर, धर्मेंद्र, हेमा मालिनी, मोहनलाल जितेंद्र, कमल हसन, नागार्जुन, रोहित शेट्टी, नीना गुप्ता, राकेश रोशन आणि जॉनी लिव्हर यांनीही कोरोनाची लस घेतली आहे. या सर्वांनी सोशल मीडियावर फोटो शेअर केले आहेत. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com