'बदनाम तर तु केव्हाच झाली आहेस'; हॉट फोटो टाकून मलायका ट्रोल

मुंबई - प्रसिध्दीसाठी कधी कोण काय करेल याचा भरवसा नाही. त्याचे कारण म्हणजे हल्ली प्रत्येक सेलिब्रेटीला चर्चेत राहायला आवडते. प्रख्यात अभिनेत्री मलायकाही त्याला अपवाद नाही. सोशल मीडियावर सर्वाधिक अॅक्टिव्ह असणारी सेलिब्रेटी म्हणून तिचे नाव घ्यावे लागेल. तिनं होळीच्या निमित्तानं चाहत्यांना शुभेच्छा दिल्या आहेत. मात्र त्यासाठी तिनं जो फोटो शेअर केला आहे त्यामुळे ती चर्चेत आली आहे. नेटक-यांनी तिला ट्रोल केले आहे. होळीच्या दिवशी अशा प्रकारचा फोटो पोस्ट करुन मलायकला नेमकं काय सांगायचे आहे, असा प्रश्न नेटक-यांनी यावेळी केला आहे. मात्र त्याचा मलायकावर काहीही परिणाम झालेला नाही. त्या फोटोला तिच्या चाहत्यांकडून मोठा प्रतिसाद मिळाला आहे.

बोल्ड फोटो शेअर करुन चाहत्यांची पसंती मिळवण्यात मलायका सगळ्यात पुढे असते. तिचे जीममधील तसेच योगा करतानाचे फोटो चाहत्यांना सर्वाधिक आवडतात. ही गोष्ट मलायकाच्या चाहत्यांना माहिती आहे. त्यामुळे ते तिच्या नवनवीन फोटोंना सातत्यानं लाईक्स करताना दिसतात. मलायकाचा सोशल मीडियावर असणारा फॅनफॉलोअर्सही मोठा आहे. दोन दिवसांपूर्वी आपल्या एका मैत्रीणीच्या वाढदिवसाच्या पार्टीतील फोटो शेअर केला होता. त्यात ती आणि तिचा बॉयफ्रेंड अर्जुन कपूर एकत्र असलेला तो फोटो होता. त्या फोटोची सोशल मीडियावर चांगलीच चर्चा होती.

आता मलायकानं होळीच्या निमित्तानं जो एक फोटो पोस्ट केला आहे त्यात ती पाठमोरी उभी आहे. आणि तिनं चाहत्यांना होळीच्या शुभेच्छा दिल्या आहेत. इंस्टावर शेअर केलेल्या या फोटोला जोरदार लाईक्स आणि कमेंटस मिळाल्या आहेत. अनेकांनी तिचं कौतूक केलं आहे तर काहींनी तिला ट्रोल केलं आहे. अशाप्रकारे फोटो शेअर करुन मलायकानं चाहत्यांचा राग ओढावून घेतला आहे. तिनं लिहिलं आहे की, माझ्या सर्व चाहत्यांना होळीच्या मनपूर्वक शुभेच्छा. तुम्ही सर्वजण घरात सुरक्षित राहा. असे आवाहन करण्यात आले आहे.

काही युझर्सला मलायकाचा शुभेच्छा देण्याचा अंदाज पसंत आला आहे. त्याशिवाय तिच्या पर्सेनॅलिटीचं कौतूक केलं आहे. बदनाम तर तु झाली आहेस असे एका युझर्सनं लिहिलं आहे. लोकांना केवळ मुर्ख बनवण्यासाठी यांना फक्त एक कारण हवे असते. या शब्दांत एका चाहत्यानं ट्रोल केलं आहे.