गुटखा खायचा सराव करत होती प्राजक्ता माळी.. पाहा नेमकं काय म्हणाली..

prajakta mali : मराठी सिनेसृष्टीत सध्या अभिनेत्री प्राजक्ता माळीची रानबाजार या वेबसिरीजची चर्चा अधिक रंगली आहे. वेब सीरिजच्या पहिल्या टीजरपासून यामध्ये बोल्ड दृश्य दाखवण्यात आली आहे. त्यामुळे सोशल मीडियावर याची विशेष चर्चा रंगली होती. या वेब सिरिज मध्ये प्राजक्ताने एका वेश्येची भूमिका साकारली आहे. या भूमिकेसाठी तीला प्रचंड मेहनत करावी लागली. प्राजक्ताच्या स्वभावाच्या पूर्णतः विरुद्ध अशी ही भूमिका होती. त्यामुळे तिने या भूमिकेचा अभ्यास करण्यासाठी अनेक सायास केले आहेत. त्याविषयीच माहिती देणारा एक व्हिडिओ आता समोर आला आहे. (actress prajakta mali practice to eat gutkha for ranbazar web series ) (prajakta mali instagram post)

प्राजक्ताने आपल्या इंस्टाग्राम खात्यावर एक पोस्ट केली आहे. त्यामध्ये तिनं रानबाजार वेबसिरीजसाठी तिला स्वतःमध्ये काय बदल करावा लागला याची माहिती दिली आहे. मध्यंतरीही एका मुलाखतीत तिने याबाबत सांगितले होते. प्राजक्ताने आजवर कधीही शिव्या दिलेल्या नाहीत पण या भूमिकेसाठी तिला शिव्या देण्याचा सराव करावा लागला. तिने 11 किलो वजन वाढवले. तिच्या भाषेत, देहबोलीत तिला बदल करावे लागले. आज तर तिने एक मोठा खुलासा केला आहे. प्राजक्ता या वेब सिरिज मध्ये सतत गुटखा खाताना दिसते. रेड लाइट भागातील महिलांना असलेले व्यसन दाखवण्यासाठी हे दृश्य आपल्याला दिसतात. या साठी प्राजक्ताला गुटखा कसा खातात याचाही सराव करावा लागला आहे. (ranbazar web series)

प्राजक्ताने वॅनिटी मधील एक व्हिडिओ शेअर करत त्याला कॅपशन दिले आहे की, 'Vanity मध्ये बसून बडीशेप खात मसाला गुटखा वगैरे खातेय असं भासवण्याची practice..' याचाच अर्थ कि अभिनयात जिवंत पणा आणण्यासाठी प्राजक्ता सतत बडीशेप खाऊन गुटखाज खात असल्याचे भासवत होती. याच तिच्या परिश्रमाचे फळ तिच्या अभिनयात दिसून आले आहे. म्हणून पुढे ती म्हणते.. 'ह्या दिवशी पहिल्यांदा make up केला होता… सुंदर दिसण्यासाठी नाही अर्थात..' आणि पुढे म्हणते, 'रानबाजार' चे सर्व भाग प्रदर्शित झाले आहे, तेव्हा नक्की बघा.. '