Radha Sagar: 'आई कुठे काय करते' फेम अभिनेत्रीनं बेबी बंप दाखवत दिली गुड न्यूज.. व्हिडिओ व्हायरल..

गेल्या नऊ वर्षांपासून अभिनय क्षेत्रामध्ये कार्यरत असलेली 'आई कुठे काय करते', 'सुंदरा मनामध्ये भरली' अशा दर्जेदार मालिकांमधून घराघरात पोहोचलेली अभिनेत्री म्हणजे राधा सागर. चंद्रमुखी चित्रपटातून देखील ती झळकली.

राधाने अनेक चित्रपटही केले आहेत. त्यामुळे खलनायकी भूमिका असतो असो विनोदी काम, राधा आपल्या अभिनयाने सर्वांना वेड लावतेच. अशी राधा आता लवकरच आई होणार आहे.

राधाने नुकताच एक गोड व्हिडिओ शेयर करत ही आनंदाची बातमी आपल्या चाहत्यांना दिली. राधाचा हा व्हिडिओ सध्या चांगलाच चर्चेत आहे.

(actress radha sagar shared video and announce her pregnancy good news)

कलाकारांच्या खासगी आयुष्याबाबत जाणून घेण्यात प्रेक्षकांना खूप रस असतो. कारण कलाकार हा त्यांना आपल्याच घरातील भाग वाटत असल्याने त्यांच्या सुखदुःखात सामील होण्यासाठी चाहते कायमच तयार असतात.

म्हणूनच सोशल मीडियावर कलाकारांच्या वैयक्तिक आयुष्याबाबत कायमच चर्चा रंगताना दिसते. त्यातही कलाकारांचे लग्न आणि गुड न्यूज याकडे सर्वांचेच लक्ष लागलेले असते. अशी एक गुड न्यूज अभिनेत्री राधा सागरने दिली आहे.

काही महिन्यांपूर्वी तिनं शूटिंगमधून ब्रेक घेतला आहे. त्यावेळी नेमकं कारण समजलं नव्हतं, पण आता त्याचं कारण उघड झालं आहे. राधाने एक सुंदर व्हिडीओ शेअर करत ती गरोदर असल्याची बातमी दिली आहे.

राधाने तिचा पती सागर कुलकर्णी याच्याबरोबर बेबी बंप दाखवत शूट केलं आहे. याचा सुंदर व्हिडीओ तिने सोशल मीडियावर शेयर केला असून त्यावर चाहत्यांनी शुभेच्छांचा वर्षाव केला आहे.

''माझ्यासाठी आजचा दिवस अत्यंत खास आहे ..' असं ती यावेळी म्हणाली आहे. कारण आज राधाचा वाढदिवस आहे आणि वाढदिवसानिमित्त तिनं ही गोड बातमी तिने सगळ्यांबरोबर शेअर केली आहे.