लहानपणी काय गोड दिसायची गं; ओळखलं का हिला, आता भलतीच 'हॉट'

मुंबई - बॉलीवूड असो वा हॉलीवूड, टॉलीवूड असो द्यात किंवा मॉलीवूड यातील सेलिब्रेटींना आपले फोटो शेअर करुन प्रसिध्दी मिळवण्याचा एक सोस असल्याचे दिसून येते. त्यात लहान मोठ्या सर्वच सेलिब्रेटींचा समावेश आहे. काही करुन आपण चर्चेत कशाप्रकारे राहु असा विचार ते करताना दिसतात. कोरोनामुळे आता मनोरंजन क्षेत्रावर आर्थिक संकट कोसळले असताना त्याचा परिणाम बॉलीवूडवरही झाला आहे.कित्येकांना काम नाही. परंतु अशावेळी चाहत्यांच्या मनातून आपली छबी झाकोळली जाऊ नये याची काळजी काही सेलिब्रेटी जाणीवपूर्वक घेत असल्याचे दिसून आले आहे.

सध्या सोशल मीडियावर अभिनेत्री राखीची एक फोटो पोस्ट मोठ्या प्रमाणावर व्हायरल होत आहे. गेल्या काही दिवसांपासून बिग बॉसच्या माध्यमातून राखीनं सर्वांचे लक्ष वेधून घेतले होते. यंदाचा बिग बॉसचा सीझन राखीनं गाजवला असे म्हणता येईल. तिच्या वेगवेगळ्या प्रकारच्या करामतीनं प्रेक्षकांची पसंती मिळवली होती. त्यामुळे काही काळ तिच्याक़डे संभाव्य विजेता म्हणूनही पाहिलं गेलं होतं. मात्र यशानं तिला हुलकावणी दिली. आणि तिला चौथ्या स्थानावर समाधान मानावं लागलं होतं. त्यानंतर राखीनं आपल्या आईला कॅन्सर झाला असून त्याच्या उपचारासाठी बिग बॉसमधून मिळालेले पैसे खर्च करणार असल्याचे सांगितले होते.

राखीनं लहानपणीचे काही फोटो सोशल मीडियावर शेअर केले आहेत. त्यामुळे ती चर्चेत आली आहे. तिचे लहानपणीचे फोटो सुंदर आहेत. बॉलीवूडमध्ये राखी तिच्या सडेतोड आणि परखड स्वभावाबद्दल प्रसिध्द आहेत. त्याविषयी तिचे काही किस्सेही ऐकीवात आहेत. तिच्या फॅन्सला राखीचे फोटो कमालीचे आवडले आहेत. आपल्या लहानपणीचा प्रवास राखीनं शेअर केला आहे. तो तिच्या चाहत्यांना कमालीचा आवडला आहे. राखीला बॉलीवूडमध्ये 24 वर्षे पूर्ण झाली. तिनं दोन दशकांहून अधिक काळ तिनं आपली ओळख निर्माण केली आहे.

अनेकदा राखीला वेगवेगळ्या कारणासाठी टीका सहन करावी लागली आहे. तिला ट्रोलही केले गेले आहे. आपल्या परखड प्रतिक्रियेमुळेही नेटक-यांनी राखीला धारेवर धरले आहे. मात्र यासगळ्याचा राखीवर काही एक परिणाम झालेला नाही. ती जशी आहे तशीच राहिली आहे. राखीला आपल्या स्वभावाचा अभिमान आहे. आताही तिनं जे फोटो सोशल मीडियावर शेअर केले आहेत त्यात ते फोटोंविषयी चाहत्यांना काय वाटते असे चाहत्यांना सुचवले आहे. 

कॅप्शनमध्ये राखीनं म्हटलं आहे की, लहानपणापासून ते आतापर्यत एक मोठा प्रवास मी केला आहे. त्या प्रवासाविषयी मला खूप आनंद वाटतो. त्याचे मनस्वी समाधानही आहे. मी माझ्या आयुष्यात खुप चढउतार पाहिले आहे. माझ्या लहानपणीच्या फोटोंना तुम्ही एक चांगली कॅप्शन द्या अशी विनंती राखीनं चाहत्यांना केली आहे.