मुंबई ः नांदा सौख्य भरे या मालिकेव्दारे आणि अनन्या या नाटकांद्वारे कमालीची लोकप्रियता मिळविणारी अभिनेत्री ऋतुजा बागवे आणि तिचे आई-वडील व बहीण सगळे आता होम क्वारंटाईन आहेत. ऋतुजाच्या वडिलांना कोरोनाची लागण झाली होती. त्यांना रुग्णालयात दाखल करण्यात आले होते. ऋतुजामध्येही कोरोनाची सौम्य लक्षणे दिसत होती. परंतु तिने लगेचच उपचार केले आणि आता तिला कोणतीही लक्षणे नाहीत. आई आणि बहिणीचा रिपोर्टही निगेटिव्ह आला आहे. मात्र वडील आणि आता संपूर्ण बागवे कुटुंबीयाला काही दिवस होम क्वारंटाईन राहावे लागणार आहे.याबाबत ऋतुजाशी संपर्क साधला असता ती म्हणाली, की माझ्या वडिलांची कोरोना चाचणी पाॅझिटिव्ह आली. त्यामुळे आम्ही त्यांना परळ येथील एका खासगी रुग्णालयात दाखल केले.
आता त्यांना घरीच क्वारंटाईन केले आहे. त्यांची प्रकृती स्थिर आहे, काळजी करण्याचे कोणतेही कारण नाही. तसेच मलादेखील कोरोनाची सौम्य लक्षणे दिसली होती. मी माझी कोरोना चाचणी काही केली नाही. योग्य उपचार घरच्या घरी केले. आता माझी प्रकृत्ती उत्तम आहे. माझे बाबा-आई व बहीण आम्ही सगळेच आता होम क्वारंटाईनमध्ये आहोत. सगळ्यांनी काळजी घ्या, रोगप्रतिकारशक्ती वाढविण्यासाठी शक्य ते सगळे उपाय करा, असेही तिने सांगितले.
------------------------------------
Edited by Tushar Sonawane
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.