Tunisha Sharma : तुनिषा शर्माने मागे सोडली कोट्यावधींची संपत्ती, जाणून घ्या अभिनेत्रीची नेट वर्थ

दास्तान-ए-काबुलमध्ये मुख्य भूमिका निभावलेली टीव्ही अभिनेत्री तुनिषा शर्मा हिने गळफास घेऊन काल आत्महत्या केली. त्यामुळे सर्वत्र एकच खळबळ उडाली. काही दिवसांपूर्वीच दोघंच ब्रेकअप झालं होतं. यामुळे तुनिशा मानसिक तणावाखाली होती. त्यातूनच तिने आत्महत्येचं पाऊल उचलल्याचं बोललं जात आहे. अनेक भूमिकांमधून आपल्या चाहत्यांच्या मनावर राज्य केलं. तर कोट्यावधींची संपत्तीदेखील कमावली. (Actress Tunisha Sharma Net Suicide Worth Bollywood )

मिळालेल्या माहितीनुसार, तुनिषाला डान्स आणि अॅक्टिंगची खूप आवड होती. तिने याचं क्षेत्रात आपले करिअर करायचे ठरवले. छोट्याशा कारकिर्दीत तिने अनेक मालिकांमध्ये काम केले. तिने केवळ छोट्या पडद्यावरच नाही तर चित्रपटांमध्येही नशीब आजमावले. ‘भारत का वीर पुत्र-महाराणा प्रताप’ या मालिकेतून तिने अभिनयात पदार्पण केलं होतं. 'फितूर', 'बार बार देखो', 'कहानी 2', 'दबंग 3' सारख्या चित्रपटांमध्ये दिसली होती.

तिच्या वडिलांचं काही वर्षांपूर्वी निधन झालं आहे. तर तिची आई, भाऊ आणि बहीण चंदीगडला राहतात. तुनिषाचाही जन्म चंदीगड येथेच झाला होता. तेथे तिचे शालेय शिक्षणही झाले आणि नंतर अभिनय क्षेत्रात करिअर करण्यासाठी ती मुंबईला आली.

एका मीडिया रिपोर्टनुसार तुनिषाची संपत्ती ही २ मिलियन डॉलर म्हणजेच जवळजवळ १५ कोटींची आहे. अल्पावधीतच यशाची शिखरे गाठणारी तुनिषा शर्मा तिच्या स्वत:च्या आलिशान घराची मालकिन होती. तुनिषाच्या घराची किंमत करोडोंमध्ये असल्याचे सांगण्यात येत आहे. आलिशान घरासोबतच तुनिषा शर्मा अनेक आलिशान गाड्यांचीही मालकीण होती.

तुनिषा मागच्या काही दिवसांपासून नैराश्यात होती आणि तिने त्यातूनच जीवन संपवलं अशीही माहिती समोर आली. तर ‘फ्री प्रेस जर्नल’ने पोलीस सूत्रांच्या हवाल्याने दिलेल्या वृत्तानुसार, तुनिषा गर्भवती होती आणि तिच्या प्रियकराने लग्न करण्यास नकार दिल्याने तिने आत्महत्या केली. पोलीस तिच्या आत्महत्येचा तपास करत आहेत.