Rakhi Sawant: समोर आली आदिल खानची गर्लफ्रेंड, राखीनं केलेल्या आरोपांवर पंतप्रधानांचे उदाहरण देत म्हणाली..

Rakhi Sawant & Adil Khan Durrani Case Update: ड्रामा क्वीन राखी सावंतचा नवरा आदिल खान दुर्रानीची गर्लफ्रेंड निवेदिता चंदेलंन आपल्यावर लावल्या गेलेल्या सगळ्या आरोपांवर प्रतिक्रिया दिली आहे.

बुधवारी मुंबईतील एका इव्हेंट दरम्यान पपाराझीनं मॉडेल निवेदिता चंदेलला स्पॉट केलं. त्या इव्हेंटमध्ये निवेदिता आपला म्युझिक व्हिडीओ प्रमोट करायला आली होती. यादरम्यान पापाराझीनं तिच्यावर राखी सावंतशी संबंधित काही प्रश्नांचा भडिमार केला.

चला जाणून घेऊया काय म्हणाली निवेदिता चंदेल.(Adil Khan Durrani girlfriend nivedita chandel react on rakhi sawant allegations)

इव्हेंटमध्ये निवेदिताला राखी सावंतनं तिच्यावर केलेल्या आरोपांविषयी विचारले तेव्हा मॉडेलनं म्हटलं की,''मग काय झालं..मोदीं विरोधात देखील अनेक गोष्टी बोलल्या जातात..मग त्या काय खऱ्या असतात का? मला या गोष्टीनं काही फरक पडत नाही की लोक माझ्या बाबतीत काय विचार करतात?''

'' मला माहित आहे की मी काय आहे''.

यानंतर निवदिता म्हणाली,''मला या विषयात पडायचं नाही''. जाता-जाता निवेदितानं हे नक्कीच म्हटलं की,तिनं एक-दोन वेळा राखीशी संवाद साधला होता आणि ती खूप गोड आहे. तिनं आपली बाजू मांडताना हे देखील सांगितलं की, मी तिच्याशी काहीच चुकीचा व्यवहार केलेला नाही.

सोशल मीडियावर आता नेटकरी या व्हिडीओवर प्रतिक्रिया देत आहेत. एका नेटकऱ्यानं लिहिलं आहे की,'या बाईला एवढं का महत्त्व दिलं जात आहे? ती फक्त लाइमलाइटमध्ये येण्यासाठी सगळं करत आहे'.

आणखी एका नेटकऱ्यानं लिहिलं आहे की,'हिच्या चेहऱ्यावरचं स्पष्ट दिसतंय की ती खोटारडी आहे'. तर कुणी एकानं लिहिलं आहे, 'राखी आणि ही एकसारख्याच आहेत'.

'किती घाणेरडी दिसतेय' अशी देखील एक कमेंट आहे. तर राखीनं हिला आणि आदिलला उगाचच फेमस केलं असं देखील म्हटलं जात आहे.