सत्याची एक्झिट.. सिद्धूची एंट्री.. मुलावरील टीकेनंतर 'वेडात मराठे..' चित्रपटात मांजरेकरांनी केला मोठा बदल..

siddharth jadhav in vedat marathe veer daudale saat movie :  गेले काही दिवस 'वेडात मराठे वीर दौडले सात' या चित्रपटाची बरीच चर्चा होती. हा चित्रपट मध्यंतरी वादाच्या भोवऱ्यात अडकला होता. काही दिवसांपूर्वीच या चित्रपटातील एक कलाकार दारीत कोसळला होता. अशा सतात्याने नकारात्मक बातम्या येत असतानाच एक सुखावणारी बातमी समोर आली आहे. आता या चित्रपटात तुम्हा सर्वांचा लाडका अभिनेता सिद्धार्थ जाधव दिसणार आहे.

या चित्रपटाचा पोस्टर लॉंच सोहळा अत्यंत दिमाखात पार पडला. त्यावेळी या चित्रपटातील सात मावळ्यांच्या पोषाखा वरुन त्यांच्या अवतारावरुण खूप टीका झाली. विशेष म्हणजे महेश मांजरेकर यांचा मुलगा मावळा म्हणून शोभत नाही असेही बोलले गेले. त्याच्यावर अगदी खालच्या पातळीवर टीका झाली. त्यानंतर बराच काळ या चित्रपटाबाबत कोणतीही अपडेट नव्हती. पण आता एक मोठी अपडेट समोर आली आहे.

(after satya manjrekar exit siddharth jadhav enter in mahesh manjrekar vedat marathe veer daudale saat movie)

नुकताच सर्वांनी पाडवा साजरा करत नवीन वर्षांचे जंगी स्वागत केले. याच गुढी पाडव्याचे औचित्य साधून अभिनेता सिद्धार्थ जाधवने काही खास फोटो शेअर केले. ज्यामध्ये महेश मांजरेकर यांच्या 'वेडात मराठे वीर दौडले सात ' या चित्रपटातील अनेक कलाकार हे व्यायाम करताना दिसत आहे. यात अभिनेता हार्दिक जोशी, उत्कर्ष शिंदे, विशाल निकम, जय दुधाणे, सिद्धार्थ जाधव यांच्यासह प्रवीण तरडेही पाहायला मिळत आहे.

सिद्धार्थने या फोटोला हटके कॅप्शन दिले आहे. “गुढीपाडवा आणि नववर्षाच्या शुभेच्छा. आडवा होई पर्यन्त व्यायाम करून साजरा केला पाडवा…” असे कॅप्शन सिद्धार्थ जाधवने या फोटोला दिले आहे. पण हे फोटो आता चर्चेचा विषय ठरत आहेत.

कारण ‘वेडात मराठे वीर दौडले सात’ या चित्रपटात सिद्धार्थ जाधव नव्हता.. मग अचानक तो कुठून आला, का आला असा प्रश्न चाहत्यांना पडला आहे. शिवाय त्या फोटोत मांजरेकरांचा मुलगा सत्या कुठेच दिसत नाहीय. त्यामुळे ‘वेडात मराठे वीर दौडले सात’ या चित्रपटात सत्या ऐवजी आता सिद्धार्थ जाधव झळकणार का.. अशा चर्चांना उधाण आले आहे.

शिवाय या फोटोत अभिनेता आरोह वेलणकरचीही भर पडल्याने मांजरेकरांनी आपल्या मुलाला म्हणजेच सत्याला काढून आरोहला घेतल्याचेही बोलले जात आहे. याबाबत अद्याप कुणीच स्पष्टता दिली नसल्याने सारेच गुलदस्त्यात आहे.