वादग्रस्त वक्तव्यानंतर श्वेताचं थिरकणं नेटकऱ्यांच्या निशाण्यावर

नेहमीच आपल्या वैयक्तिक आयुष्यातील अस्थिरतेमुळे किंवा कोणत्यातरी वादग्रस्त वक्तव्यामुळे चर्चेत असणारी अभिनेत्री म्हणजे श्वेता तिवारी(Shweta Tiwari). तिनं आपल्या अभिनयाच्या माध्यमातनं जितकी लोकप्रियता कमावली तितकीच वादग्रस्त वक्तव्यांमुळेही ती प्रसिद्ध झाली. पण आता पुन्हा तिनं केलेल्या एका खळबळजनक वक्तव्यामुळे ती संकटात सापडली आहे. सोशल मीडियावर देखील तिच्याविरोधात भरपूर बोललं जात आहे. 'माझ्या ब्रा चं माप देवच घेत आहे', असं वक्तव्य करीत श्वेतानं वादात उडी मारली.अभिनेत्री श्वेता तिवारी अलिकडे 'शो स्टॉपर-मीट द ब्रा फिटर' या तिच्या आगामी वेबसिरीजच्या प्रमोशनसाठी भोपाळमध्ये गेली होती. या प्रमोशनच्या निमित्ताने आयोजित करण्यात आलेल्या कार्यक्रमात श्वेतानं हे वादग्रस्त वाक्य केलं .अभिनेत्रीचं हे वक्तव्य समोर येताच सर्व स्तरावर याचे पडसाद उमटले आहेत. अगदी राजकीय गोटातूनी संताप व्यक्त केला जात आहे,तिच्याविरोधात तक्रारीचा सूर उमटला आहे. तिच्याविरोधात FIR ही दाखल करण्यात आल्याचं वृत्त आहे. पण असे असतानाही तिनं सोशल मीडियावर एक व्हिडीओ पोस्ट केला अनं त्यावरनं नाराज नेटकऱ्यांनी तिखट प्रतिक्रिया देऊन तिला चांगलेच झोडपले आहे.

श्वेताने या व्हिडीओ दरम्यान एका इंग्रजी गाण्यावर बोल्ड डान्स केला आहे. या गाण्यात 'Kiss My A**' असे एक वाक्य आहे. यामध्ये ती लाल रंगाचा ड्रेस घालून बोल्ड डान्स करताना दिसत आहे. एका हॉटेलमधील कॉरिडॉरमध्ये ती डान्स करत आहे. यात तिच्यासोबत पायल सोनीही नाचताना दिसत आहे. हा व्हिडीओ शेअर करताना तिने याला हटके कॅप्शनही दिले आहे. '‘Morning dance with this sutli bomb'’, असे तिने हा व्हिडीओ शेअर करताना म्हटले आहे. त्यावरुन नेटकऱ्यांनी तिला पुन्हा एकदा ट्रोल करण्यास सुरुवात केली आहे. श्वेताचा हा व्हिडीओ काही मिनिटाताच व्हायरल झाला आहे. तिचा हा व्हि़डीओ तिची मुलगी पलक तिवारी हिनेही शेअर केला आहे. श्वेता तिवारीच्या या व्हिडीओखाली ‘आम्हाला तुझी लाज वाटते’, ‘माफी माग’, ‘अटक करा’,'एफआयआर दाखल झाली आहे,तुला कळले का?" अशा विविध कमें'ट्स पाहायला मिळत आहे.