Tollywood: सोशल मीडियावर नंबर शेअर करणं साऊथ अभिनेत्रीला पडलं महाग.. आता त्या नंबरवर नको-नको त्या गोष्टी पाठवतायत लोक

Aishwarya Bhaskaran : साऊथ इंडियन अभिनेत्री ऐश्वर्या भास्करनं युट्युब व्हिडीओ पोस्ट केला आहे ज्यामध्ये ती काही लोकांवर लैंगिक शोषणाचा आरोप करताना दिसत आहे. ऐश्वर्या तिच्या दाक्षिणात्य भाषेत आपल्या सोबत घडलेल्या घटनेचा वृ्त्तांत सांगताना दिसत आहे.

ऐश्वर्या म्हणतेय की,तिच्या मुलीनं तिला हा व्हिडीओ करण्यास सांगितल्यानं ती असं करत आहे. ती पुढे म्हणाली,''तिच्यासोबत जे काही घडतंय ते बंद नाही झालं तर ती त्याविरोधात कायदेशीर कारवाई करेल''.(Aishwarya bhaskaran south indian actress sexual harassment reveals her pain in youtube video)

ऐश्वर्या भास्करनं व्हिडीओमध्ये सांगितलं आहे की लोक तिची पोस्ट पाहून खूप गलिच्छ कमेंट करत आहेत. एकानं तर चक्क प्रायव्हेट पार्टचा फोटो देखील पाठवला आहे. ऐश्वर्या म्हणाली की तिनं या प्रकरणात आपल्या मुलीशी बातचीत केली आणि तिनं दिलेल्या सल्ल्यावर तिनं युट्युबवर व्हिडीओ पोस्ट करत आपला मुद्दा मांडला आहे.

माहितीसाठी सांगतो की ऐश्वर्या भास्करन साऊथच्या सिनेमांचा एक ओळखीचा चेहरा आहे. पण मग तिला सोशल मीडियावर ट्रोल का केलं जात आहे?

माहिती समोर येत आहे की, ऐश्वर्या भास्करनने काही दिवसांपूर्वी साबण कंपनी सुरू केली होती. ऐश्वर्यानं या नव्या व्यवसाया संबंधी लोकांशी कनेक्ट होण्यासाठी आपला मोबाईल नंबर सोशल मीडियावर शेअर केला आणि तिथूनच खऱ्या अडचणी सुरू झाल्या.

लोकांनी ऐश्वर्याच्या नंबरवर अश्लील फोटो आणि गलिच्छ शब्दातील मेसेज पाठवायला सुरुवात केली. ऐश्वर्या म्हणाली की,''तिला याबाबतीत सध्या तरी सायबर पोलिसांची मदत घ्यायची नाही. पण जर असेच मेसेज यायला लागले तर मला कायद्याची मदत घ्यावीच लागेल''.

ऐश्वर्या भास्करन साऊथची प्रसिद्ध अभिनेत्री लक्ष्मी हिची मुलगी आहे. ऐश्वर्यानं 'इजमान' आणि 'आरू' तसंच 'पंचतंथिरम' सिनेमांतून काम केलं आहे. मोठ्या पडद्यावर बऱ्यापैकी नाव कमावल्यावर ती आता व्यावसायिक क्षेत्रात आली आहे.

सुरुवातीला तिनं दुसऱ्या अभिनेत्रींसोबत मिळून 'साउंड सरोजा' नावाचं युट्युब चॅनेल सुरूकेलं. काही कारणानं ते बंद झालं. आता चाहत्यांच्या संपर्कात राहण्यासाठी तिनं 'मल्टी मॉम' नावाचं चॅनेल सुरू केलं आहे. ज्यावर ती वेगवेगळे व्हिडीओ पोस्ट करताना दिसते.