मुंबई : अभिनेत्री ऐश्वर्या राय बच्चन पुन्हा एकदा चर्चेत आली आहे. ऐश्वर्या राय पुन्हा आई होणार का? असे ट्विट नेटिझन्स करू लागले आहेत. ट्विट करण्यामागे कारणही तसे आहे. 'मित्रांनो, तुमच्या सर्वांसाठी एक सरप्राईझ आहे.' असे ट्विट अभिनेता आणि ऐश्वर्या राय बच्चनचा पती अभिषेक बच्चनने केले होते.
अभिषेकने ट्विट केल्यानंतर नेटिझन्स रिट्विट करू लागले. रिट्विट करताना ऐश्वर्या पुन्हा आई होणार का?, आराध्यासोबत खेळायला भाऊ किंवा बहीण का? असे अंदाज नेटिझन्स करू लागले. अखेर अभिषेकने पुन्हा ट्विट करत 'झुंड' चित्रपटाचा टीझर शेअर करत यासर्व चर्चांना पूर्णविराम दिला. 'झुंड' चित्रपटात अभिनेते अमिताभ बच्चन यांची मुख्य भूमिका आहे. नागराज मंजुळेच्या दिग्दर्शनात साकारलेला 'झुंड' हा विजय बारसे यांच्या जीवनावर प्रकाशझोत टाकण्यात येणार असल्याचे म्हटले जात आहे. अभिषेक देखील त्याच्या आगामी चित्रपटांमध्ये व्यस्त आहे. 'बॉब बिस्बास' आणि 'बिग बुल' या दोन चित्रपटांच्या माध्यमातून चाहत्यांच्या भेटीस येणार आहे.
दरम्यान, अभिषेकच्या ट्विटने काही वेळ अनेकांनी वेगवेगळे अंदाज बांधले. अखेर अभिषेकनेच चर्चांना पुर्णविराम दिला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.