Ameen Sayani-Amitabh Bachchan : खरचं अमिताभ बच्चन यांना अमीन यांनी 'रिजेक्ट' केले होते? सयानींनीच केला होता मोठा खुलासा!

Ameen Sayani Death: आपल्या जादुई आवाजानं गेल्या चार दशकांहून अधिक काळ श्रोत्यांना मंत्रमुग्ध करणाऱ्या अमीन सयानी यांनी अखेर वयाच्या ९१ व्या वर्षी अखेरचा श्वास घेतला. हदयविकाराच्या धक्क्यानं त्यांची प्राणज्योत मालवली. सयानी यांच्याविषयी नेहमीच वेगवेगळ्या गोष्टी सांगितल्या जातात. त्यात त्यांची अन् बिग बी अमिताभ बच्चन यांच्या मुलाखतीची ती गोष्ट विशेष लोकप्रिय आहे.

अमीन सयानी यांनी त्या गोष्टीविषयी मुलाखतीमध्ये सांगितले होते. अमिताभ यांनी जेव्हा त्यांना रेडिओवरील मुलाखतीमध्ये नकार मिळाला असे सांगितले तेव्हा मलाही धक्का बसला होता. त्यावेळी मी सिलोन रेडिओवर कामाला होतो. तेव्हा घराघरात सिलोन रेडिओ ऐकला जात होता. त्यामुळे अमिताभ कुणाविषयी बोलत आहेत हे कळायला मला वेळ लागला नाही. मात्र बऱ्याच वर्षांनी तो प्रसंग विस्मरणात गेला असे सयानी म्हणाले.

अमीन यांनी सांगितलं सत्य...

मी अमिताभ यांचा आनंद नावाचा चित्रपट पाहिला होता. त्यातील त्यांचा आवाज आणि अभिनय मला कमालीचा आवडला होता. त्याचवेळी मी असे ठरवले की मी स्वता त्यांच्या चित्रपटांचे प्रमोशन करणार. मात्र तेव्हा मला जाणवले की, त्यांना माझ्या आवाजाची काहीही गरज नव्हती. त्यांचा आवाजच त्यांची वेगळी ओळख होती. त्यावेळी अमिताभ हे जया बच्चन यांना डेट करत होती. त्यांची लोकप्रियता प्रचंड होती.

पुढे काही वर्षांनी मी अमिताभ यांना रेडिओ अँड टेलिव्हिजन अॅडव्हरटायझिंग प्रॅक्टिर्शनस असोशिएशन (आरएपीए) च्या पुरस्कार सोहळ्यात प्रमुख पाहूणा म्हणून निमंत्रित केले होते. त्यावेळी त्यांनी त्या कार्यक्रमामध्ये भाषण करताना आपल्याला कशाप्रकारे ऑडिशन न देता रिजेक्ट केले होते याबद्दल सांगितले. त्यानंतर त्यांनी अभिनयाची वाट धरली. नाही तर आज ते ब्रॉडकास्टर म्हणून लोकांना परिचित असते.

तसं असतं तर...

अमीन सयानी यांनी त्या मुलाखतीमध्ये सांगितले होते की, त्या शो नंतर मी माझी पत्नी रमा आम्ही रेडिओ सिलोनमध्ये सोबत काम करतो होतो. तिला विचारले की, अमिताभ बच्चन नेमकं कशाविषयी बोलत आहेत, कारण त्यावेळी मला आठवत नाही की मी कधी त्यांना भेटलो होतो म्हणून. मला रमानं सांगितलं की, तुम्हाला भेटायला एक व्यक्ती आली होती. तेव्हा मला आठवले की, मागे एकदा माझ्या सेक्रेटरीनं मला सांगितले होते की, मला भेटायला अमिताभ बच्चन नावाचा कुणी व्यक्ती आला होता.

मी तेव्हा सेक्रेटरीला सांगितले होते की, माझी अपॉइमेंट घेऊन मला भेटायला या, असे त्यांना सांगा. जेव्हा ते दुसऱ्यांदा मला भेटायला आले तेव्हा त्यांनी अपॉइमेंट घेतली नव्हती. मी तेव्हाही त्यांची माफी मागून त्यांना भेट दिली नव्हती. कारण माझ्याकडे त्यांना भेटण्यासाठी वेळ नव्हता. असे अमीन यांनी आज तकला दिलेल्या एका मुलाखतीमध्ये सांगितले होते.

जाऊ देत, जे झालं ते चांगलचं झालं. जर मी त्यांची भेट घेतली असती किंवा त्यांच्याशी बोललो असतो, किंवा मला त्यांचा आवाज चांगला वाटला असता तर मी त्यांना काम दिले असते, आणि माझे सगळे क्लायंटस त्यांच्याकडे गेले असते आणि मीच रस्त्यावर आलो असतो. दुसरीकडे जगाला महानायक मिळाला नसता. अशा शब्दांत अमीन यांनी आपल्या भावना व्यक्त केल्या होत्या.