Amruta Fadnavis New Song : 'अख्ख्या महाराष्ट्राचा मूड बदलवून टाकला!' अमृताजींचे 'मैंने मूड बना लिया' आलं

Amruta Fadnavis New Song Aaj Mein ne Mood Bana Liya Hai : आपल्या बहारदार गायकीनं साऱ्या महाराष्ट्राचे लक्ष वेधून घेणाऱ्या अमृता फडणवीस यांच्या आज मैने मूड बना लिया है... हे पंजाबी गाणं प्रदर्शित झालं आहे. ते व्हायरल होताच त्यावर मोठ्या प्रमाणात नेटकऱ्यांनी वेगवेगळ्या कमेंटस करणं सुरु केले आहे.

नेटकऱ्यांनी आणि अमृताजींच्या चाहत्यांनी त्यांच्यावर कौतूकाचा वर्षाव केला आहे. गेल्या काही दिवसांपासून त्यांच्या या नव्या गाण्याची चर्चा होती. अमृताजींचे हे पहिलेच पंजाबी गाणे आहे. काल त्याचा ट्रेलर व्हायरल झाला होता. तेव्हापासून त्या गाण्याची चाहत्यांना मोठी उत्सुकता होती. अमृताजींच्या येणाऱ्या प्रत्येक गाण्याची चाहत्यांना ओढ असल्याचे दिसून आले आहे.

Also Read - द मिसिंग टाइल सिंड्रोम ठेवा आपल्यापासून दूर

सोशल मीडियावर नेटकऱ्यांनी आणि चाहत्यांनी अमृताजींचे कौतूक केले आहे. पहिल्याच प्रयत्नात खूपच चांगल्या पद्धतीनं त्यांनी पंजाबी गाणे गायले आहे. याशिवाय त्यांच्या डान्सचे देखील तोंडभरून कौतूक केले आहे.

अमृता फडणवीस यांच्या एका ट्वीटमुळे चाहत्यांमध्ये उत्साह आहे. काही पंजाबी ओळींसह अमृता फडणवीसांनी केलेलं हे ट्वीट चाहत्यांची उत्सुकता वाढवत आहे. यापूर्वी त्यांनी आपल्या ट्वीटमध्ये अमृता फडणवीस यांनी आपल्या नव्या गाण्याची घोषणा केली होती. हे गाणं पंजाबीत आहे. यासोबतच त्यांनी आपला वेस्टर्न ड्रेसमधला एक फोटोही शेअर केला होता.

यु ट्युबवर काही वेळेपूर्वी व्हायरल झालेल्या त्या गाण्यानं आता नेटकऱ्यांना प्रतिक्रिया देण्यास भाग पाडले आहे. त्यामध्ये अमृताजींचा लूक हा नेहमीपेक्षा वेगळा असून तो चाहत्यांना प्रचंड भावला आहे. त्यावरुन अनेकांनी त्यांची स्तुती केली आहे.