Amruta Fadnavis : "जस्ट लूकिंग लाईक...", अमृता फडणवीसांच्या चाहत्यांना नववर्षाच्या 'वॉव' शुभेच्छा! पाहा व्हिडिओ

नव्या वर्षाला आज सुरुवात झाली आहे, जगभरात सर्वत्र मोठ्या उत्साहात नव्या वर्षाचं स्वागत केले जात आहे. जगभरातील अनेक दिग्गज नेते आणि कलाकर यांच्याकडून नवीन वर्षाच्या शुभेच्छा दिल्या जात आहे. अनेक सेलिब्रीटी त्यांच्या सोशल मीडिया प्लॅटफॉर्म्सवरून त्यांच्या चाहत्यांना शुभेच्छा देताना दिसत आहेत. प्रसिद्ध गायीका अमृता फडणवीस यांनी देखील त्यांच्या चाहत्यांना हटके अंदाजात शुभेच्छा दिल्या आहेत.

अमृता फडणवीस या बँकर असण्यासोबतच गायिका देखील आहेत. त्यांच्या गाण्यांची सतत चर्चा सुरू असते. यादरम्यान आता अमृता फडणवीस यांनी एक प्रसिद्ध व्हायरल डायलॉग म्हणत नवीन वर्षाच्या शुभेच्छा दिल्या आहेत. राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांच्या या व्हिडीओमध्ये त्यांची लेक दिविजादेखील दिसत आहे. अमृता फडणवीस या इंटरनेटवर व्हायरल झालेला डायलॉग "सो ब्युटीफुल सो इलिगंट'' म्हणत नवीन वर्षाच्या शुभेच्छा दिल्या आहेत.

गेल्या वर्षी डिसेंबर महिन्यात अमृता फडणवीस यांनी गायलेलं नवीन गाण देखील रिलीज झालं होतं. नवरात्री, गणेशोत्सवच्या निमित्तानं त्यांनी गायलेल्या गाण्यांना श्रोत्यांनी उस्फुर्त दाद दिली होती. त्यानंतर त्यांच्या तुम्हे आईने की जरुरत नही या गाण्यानं देखील नेटकऱ्यांचे लक्ष वेधून घेतलं होतं. सोशल मीडियावर अमृता फडणवीस यांचा चाहतावर्ग मोठा आहे. त्यांना इंस्टावर फॉलो करणाऱ्यांची संख्याही मोठी आहे.