'अंधाधुन' ने मला अभिनेता म्हणून प्रस्थापित केलं- आयुषमान खुराना

मुंबई : आयुषमान खुरानाने बॉलिवूमध्ये वर्चस्व निर्माण केलं आहे ते अनोख्या शैलीमुळे. रेडिओ जॉकी ते अभिनेता असा त्याचा आजवरचा प्रवास थक्क करणारा आहे. मेनस्ट्रिम अॅक्टिंगला तोड देत त्य़ाने चौकटीबाहेरच्या भूमिका साकारल्या. प्रेक्षकांच्या मनात घर करण्यास त्याला यश आले आहे. राष्ट्रीय पुरस्कार सोहळ्यातही त्याने ठसा उमटवला. 'अंधाधुन' या चित्रपटाने आयुषमानला राष्ट्रीय पुरस्कार मिळवून दिला. आज 'अंधाधुन' ला एक वर्ष पूर्ण झालं आहे आणि त्यानिमित्ताने आयुषमानने मत व्यक्त केलं आहे.

आयएएनएस (IANS) ला दिलेल्या मुलाखतीत आयुषमान म्हणाला,' कलाकाराच्या पेशाने मी नेहमीच एक विद्यार्थी आहे जो सतत अभिनय शिकण्याचा प्रयत्न करत आहे. मी अशा चित्रपटांच्या शोधात असतो जे मला अधिक चांगल बनण्यासाठी मदत करतात, माझ्या विचारांना आव्हान देतात, माझा विश्वास आणि मला नव्या गोष्टी शिकण्यासाठी भाग पाडतात. अंधाधून या चित्रपटाने मला अभिनेता म्हणून घडवलं आहे.'

पुढे तो म्हणाला,' माझ्या नकारात्मक गोष्टींना आव्हान देत या चित्रपटाने मला खूप काही शिकवलं आहे. शिवाय माझ्यातील एका वेगळ्या बाजूला माझ्यासमोर आणि प्रेक्षकांसमोर आणलं आहे. या चित्रपटाचे दिग्दर्शक श्रीराम रघुरावन यांचे मी आभार मानतो कारण त्यांनी माझ्यावर विश्वास ठेवला.'

आय़ुषमानचे नुकतेच ड्रिम गर्ल, आर्टीकल 15, शुभ मंगल सावधान, बधाई हो, बरेली की बर्फी असे ब्लॉकबस्टर चित्रपट प्रदर्शित झाले.