वेलकम सिनेमातील 'ते' फेमस पोस्टर अखेर सनी लिओननं घेतलं विकत...

अक्षय कुमार,अनिल कपूर,नाना पाटेकर,कतरिना कैफ,फिरोझ खान,परेश रावल,मल्लिका शेरावत अशी तगडी स्टारकास्ट असलेल्या 'वेलकम' सिनेमानं बॉक्सऑफिसवर चांगली कमाई केली. त्यावेळी 'वेलकम' पाहताना सिनेमातल्या प्रत्येक सीनवर थिएटरात टाळ्यांचा आणि हशाचा धुव्वा उडाला नाही तर नवल मानलं जायचं. या सिनेमात एकीकडे नाना पाटेकर आणि अनिल कपूरची अभिनयाची जुगलबंदी तर दुसरीकडे अक्षय-परेश रावलची अभिनयाची तोफ सिनेमाला एका वेगळया लेवलवर घेऊन गेली होती. या सर्वांसोबतच सिनेमातली आणखी एक गोष्ट आजतागायत लक्षात राहिली ती म्हणजे मंजू भाई या अनिल कपूर यांनी रंगवलेल्या भूमिकेची चित्रकला.

या सिनेमात अनिल कपूर यांनी रंगवलेल्या मंजू भाई या व्यक्तीरेखेनं काढलेलं चित्र आणि त्याचा झालेला लिलाव हे सारंच फार मजेदार होतं. 'घोड्यावर चढलेला गाढव' अशा त्या चित्राने हास्याचा धुव्वा उडवला होता. 'वेलकम २' काही वर्षांपूर्वी प्रदर्शित होऊन गेला, पण २००७ साली प्रदर्शित झालेल्या 'वेलकम' मधील ते चित्र आजही तितकचं चर्चेत आहे. आज अनेक वर्षांनी सनी लिओनने तिच्या ट्वीटर अकाऊंटवरनं तो फोटो शेअर करत पुन्हा जुन्या आठवणी जाग्या झाल्या. तिनं हे ट्वीट अनिल कपूर यांना टॅग केल्यानंतर त्यांनीही,' मंजूभाईचं हे चित्र सर्व जगात प्रसिद्ध झालंय' अशी कमेंट दिलीय. तर फॅन्सनीही 'वेलकम' सिनेमाच्या आठवणींना उजाळा दिला आहे. तर अनेक मीम्सही या पोस्टवर केल्या गेल्या आहेत त्याही मजेशीर आहेत.

वेलकम ३ आणि वेलकम ४ हे एकापाठोपाठ एक प्रदर्शित करण्याचा सिनेमाच्या निर्मात्यांचा मानस होता. आता सनीनं हे पोस्टर शेअर केल्यामुळे वेलकम ३ आणि वेलकम ४ निर्मितीच्या वाटेवर आहे की काय आणि सनी त्यात भूमिका करतेय का यावर चर्चा रंगू लागलीय.