Animal: शाहरुखनंतर रणबीरच्या 'अ‍ॅनिमल'चा टिझर झळकला बुर्ज खलिफावर, व्हिडीओ बघा

Animal Burj Khalifa: रणबीर कपूरच्या अ‍ॅनिमल सिनेमाची सर्वांना उत्सुकता आहे. अ‍ॅनिमल सिनेमा लवकरच प्रेक्षकांच्या भेटीला येणार आहे. रणबीर कपूर - रश्मिका मंदाना - बॉबी देओल अशा कलाकारांची सिनेमात प्रमुख भूमिका आहे.

अ‍ॅनिमल सिनेमाला एक खास सन्मान मिळालाय. तो म्हणजे अ‍ॅनिमलचा सिनेमा थेट बुर्ज खलिफावर झळकला.

अ‍ॅनिमलचा खास ट्रेलर बुर्ज खलिफावर

अ‍ॅनिमलच्या निर्मात्यांनी सिनेमाचा टीझर चित्रपटाच्या रिलीजपूर्वी संपूर्ण जगाला दाखवण्याचा प्रयत्न केला आहे.

सोशल मीडिया प्लॅटफॉर्मवर शेअर केलेल्या व्हिडिओमध्ये बुर्ज खलिफावरील अ‍ॅनिमलचा खास ट्रेलर दाखवला जात आहे. यावेळी रणबीर कपूरसोबत बॉबी देओल आणि भूषण कुमारही दिसत आहेत.

बुर्ज खलिफावर ट्रेलर झळकाल्याने रणबीर कपूरच्या आनंदाला उधाण

रणबीर, बॉबी आणि निर्माते भूषण कुमार यांचा एक व्हिडीओ व्हायरल झालाय. हे तिघे गगनचुंबी इमारत बुर्ज खलिफावर झळकलेला चित्रपटाचा ट्रेलर पाहत आहेत. रणबीर हा क्षण आपल्या मोबाईल कॅमेऱ्यात कैद करताना दिसत आहे.

यावेळी रणबीरच्या चेहऱ्यावर आनंद स्पष्ट दिसत होता. त्याने चाहत्यांसोबत सेल्फीही काढले. बुर्ज खलिफावर चित्रपटाचा 60 सेकंदाचा खास ट्रेलर व्हिडिओ दाखवण्यात आला.

या दिवशी अ‍ॅनिमल सिनेमा येणार भेटीला

भूषण कुमार आणि कृष्ण कुमार यांच्या टी-सिरीजची निर्मिती असलेला अ‍ॅनिमल सिनेमाची सध्या खुप चर्चा आहे. संदीप रेड्डी वंगा दिग्दर्शित हा चित्रपट क्राईम ड्रामा प्रकारातील आहे. सिनेमात रणबीर कपूर, अनिल कपूर, रश्मिका मंदाना आणि बॉबी देओल अशा कलाकारांच्या प्रमुख भुमिका आहेत. हा सिनेमा 1 डिसेंबर 2023 ला सिनेमागृहात रिलीज होतोय.