Video: सासूने 'गूडन्यूज दे' म्हटल्यावर अंकिता लोखंडे काय म्हणाली पहा

अंकिता लोखंडे(Ankita Lokhande)आणि तिचा बॉयफ्रेंड विकी जैन(Vicky Jain) गेल्या वर्षात डिसेंबर महिन्यात लग्नबंधनात अडकले. त्या दोघांचं लग्न मुंबईतील एका पंचतारांकित हॉटेलमध्ये फार मोजकेच नातेवाईक आणि मित्रपरिवाराच्या उपस्थितीत झाले. मेहेंदी,हळद,संगीत अशा लग्नासंदर्भातल्या सर्वच पारंपरिक गोष्टी अगदी साग्रसंगीतपणे अंकिताच्या लग्ना्च्या वेळेस पार पडलेल्या आपण सर्वांनी सोशल मीडियावर पाहिल्या असतील. अर्थात,अंकिता सोशल मीडियावर फार सक्रिय असते. आणि ती नेहमीच आपल्या संदर्भातल्या अनेक इंटरेस्टिंग गोष्टी सोशल मीडियावर शेअर करीत असते. लग्नानंतरही तिच्या हनिमूनचे,संक्रांतीच्या सेलिब्रशनचे फोटो,व्हिडीओ सोशल मीडियावर तुफान व्हायरल झाले होते. लग्नानंतर तिनं केलेली काही वक्तव्यही ट्रोल करण्यात आली होती. जसं तिनं म्हटलं होतं की विकीसोबत लग्न हे फक्त पेसै उडवणे,पार्टी करण्यासाठी. तिनं ते मजेनं केलं पण त्याची चर्चा मात्र विरोधात रंगली. तिनं लग्नानंतर बोल्ड सीन किंवा कपडे घालण्यावर स्वतःवर बंधन घालून घेण्याचा घेतलेला मोठा निर्णयही चर्चेचा विषय ठरला. आता पुन्हा एकदा सोशल मीडियावर तिचा एक व्हिडीओ व्हायरल होत आहे ज्याची चर्चा होवू लागली आहे.

अंकिता लोखंडे लग्नानंतर पहिल्यांदाच बिलासपूर इथे विकी आणि आपल्या सासूबाईंसोबत गेली आहे. काही दिवासांपूर्वी तिला मुंबई विमानतळावर स्पॉट केलं गेलं होतं. तेव्हा तिनं मीडियाला फोटो देताना ही गोष्ट बोलून दाखवली होती. 'मी माझ्या लग्नानंतर पहिल्यांदाचा सासरी चालले आहे', असं ती म्हणाली होती. आता तिनं पोस्ट केलेल्या व्हिडीओत ती सासरी गेलेली दिसत आहे. तिथं नवीन नवरीची ओटी तिच्या सासूबाई भरताना दिसत आहेत. त्यांनी ओटी भरल्यावर अंकिता जेव्हा सासूबाईंच्या पाया पडायला वाकते तेव्हा तिला आशीर्वाद देताना त्या म्हणतात,''दूधो,नहाओ,फुतो फलो और गूडन्यूज दो''. तेव्हा अंकिताचा 'आ' वासून उभा राहिलेला चेहरा पाहण्यासारखा आहे. तिच्या जाऊबाईदेखील जेव्हा तिला चिडवतात तेव्हा ती म्हणते,''ज्यांना गूडन्यूजची घाई आहे त्यांनी स्वतः द्यावी''. अर्थात हे ती आपल्या जाऊकडे पाहून म्हणताना दिसतेय. तर असो,अंकिताला सासूबाईंनी दिलेला आशीर्वाद फळा येवो अन् ती लवकरच गूडन्यूज देवो,या आमच्याकडूनही तिला शुभेच्छा.