'तर तू रोहित शेट्टीकडे जा...'; असं रागात अनुराग कश्यप तापसीला का म्हणालेला?

Tappsee Pannu: तापसी पन्नूचा 'दोबारा'(Dobara) सिनेमा १९ ऑगस्ट रोजी रिलीज होत आहे. हा सिनेमा अनुराग कश्यपने(Anurag kashyap) दिग्दर्शित केला आहे. 'दोबारा' हा सिनेमा स्पॅनिश सिनेमा 'मिराज' चा रीमेक आहे. सिनेमाची निर्मिती एकता कपूरने केली आहे. तापसी पन्नूचा 'शाबाश मिठ्ठू' हा सिनेमा काही दिवसांपूर्वीच रिलीज झाला होता. पण सिनेमा प्रेक्षकांच्या पसंतीस काही उतरला नाही. आता तापसी पन्नूने थ्रिलर सिनेमाच्या माध्यमातून लोकांच्या मनापर्यंत पोहोचण्याचा मार्ग बनवला आहे. तापसीने नुकत्याच एका मुलाखतीत अनुराग कश्यपच्या एका वक्तव्याचा खुलासा केला आहे जो दिग्दर्शक रोहित शेट्टीशी संबंधित आहे. काय म्हणाला होता अनुराग कश्यप?(Anurag Kashyap told taapsee pannu work with rohit shetty, read full story)

तापसी पन्नू म्हणाली आहे, ''मी अनुराग कश्यपला म्हणाले की,मला स्टार बनायचं आहे तेव्हा तो माझ्यावर खूप रागावला. 'दोबारा' सिनेमाचं एडिटिंग सुरु होतं तेव्हा आमच्या दोघात खूप भांडण झालं. तेव्हा तो मला म्हणाला,'तु माझ्यासोबत का काम करतेस? जर तुला स्टार बनायचं आहे,तर जा आणि रोहित शेट्टीसोबत काम कर'. पण सगळ्यांचीच काम करण्याची पद्धत एकसारखी नसते''.

''मी स्टारडमसाठी एक वेगळ्या वाटेवरनं जाऊ इच्छिते. जर रोहित शेट्टी मला ती संधी देत नाहीत,तर मी काय करू? एक अभिनेत्री म्हणून मी फक्त इच्छाच करु शकते. मी एक कलाकार आहे आणि मला स्टार बनायचं आहे. मी माझ्या क्षमतेनुसार एक कलाकार होण्यासाठी जेवढं करावं लागतं तेवढं सगळं केलं. पण मी दिग्दर्शक नाही, निर्माता नाही. हे एक टीम वर्क आहे. मी अजून स्टार बनलेली नाही, नाहीतर माझा सिनेमा कसाही असला तरी मी प्रेक्षकांना थिएटरपर्यंत खेचून आणू शकले असते''. अनुराग कश्यपसोबत तापसीचा हा तिसरा सिनेमा आहे. याआधी तापसीने अनुराग सोबत 'मनमर्जिया' आणि 'सांड की आंख' सिनेमात काम केलं आहे.