समाजातल्या 'त्या' गडद गोष्टींचं रहस्य उलगडणार अनुष्का शर्मा,  'पाताल लोक' वेबसिरीजचा टिझर रिलीज

मुंबई- बॉलीवूड अभिनेत्री अनुष्का शर्मा डिजीटल विश्वात पदार्पण करण्यासाठी सज्ज झालीये. भलेही ती यात अभिनय करताना दिसणार नाहीये मात्र तिच्या प्रोडक्शन हाऊस अंतर्गत एक वेबसिरीज येत आहे ज्याचं नाव आहे 'पाताल लोक'. या वेबसिरीजचा आज पहिला टिझर रिलीज करण्यात आला आहे. अनुष्काने तिच्या सोशल मिडीयावरुन हा टिझर शेअर केला आहे.

हे ही वाचा: लॉकडाऊनमध्ये सनी लिओनी बनली आर्टीस्ट.. पहा आता काय केलं..

अनुष्काने हा टिझर शेअर करत लिहीलंय, ''पाताल लोकमध्ये प्रत्येक गोष्टीची अशी एक गडद बाजू आहे आणि प्रत्येकाकडे ती लपवण्याचं रहस्य आहे.'' असं म्हणत या वेबसिरीजचा ट्रेलर ५ मे सकाळी ११ वाजून ३४ मिनिटांनी रिलीज होणार असल्याचं देखील तिने सांगितलंय.. 

पाताल लोक हा टिझर पाहून लक्षात येतं की, ही सिरीज क्राईम, मिडीया, फेक न्युज आणि राजकारण यांसारख्या मुद्द्यांवर प्रकाश टाकेल. या जगात लपलेल्या रहस्यांवरुन या सिरीजमध्ये पडदा उठवला जाणार आहे. याआधी अनुष्काने तिच्या या वेबसिरीजचं पोस्टरसुद्धा तिच्या सोशल मिडीयावर शेअर केलं होतं. 

पाताल लोक ही वेबसिरीज १५ मे २०२० ला ऍमेजॉन प्राईम व्हिडिओवर रिलीज होणार आहे. या सिरीजमध्ये नीरज काबी, गुल पनाग आणि जयदीप अहलावत सारखे कलाकार मुख्य भूमिकेत आहेत. या सिरीजची पटकथा एनएच १० आणि उडता पंजाब सिनेमा लिहीलेले लेखक सुदीप शर्मा यांची आहे. 

अनुष्का शर्माने स्वतःला मोठ्या पडद्यापासून बराच काळ लांब ठेवलं आहे, अनुष्का शाहरुखसोबत २०१८ मध्ये झिरो या सिनेमात शेवटची दिसली होती. त्यानंतर तिचे चाहते तिला पुन्हा एकदा मोठ्या पडद्यावर पाहण्यासाठी उत्सुक आहेत..  

anushka sharma and amazon prime video new web series paatal lok teaser release