"मला खात्री आहे की तो..."; रणबीर कपूरबाबत 'रामायण' फेम अरुण गोविल काय म्हणाले?

Ranbir Kapoor: बॉलिवूडमधील प्रसिद्ध अभिनेता रणबीर कपूर (Ranbir Kapoor) हा त्याच्या वैयक्तिक आयुष्यामुळे आणि चित्रपटांमुळे चर्चेत आहेत. गेल्या वर्षी रणबीरचा अॅनिमल (Animal) हा सिनेमा प्रेक्षकांच्या भेटीला आला. या सिनेमानं बॉक्स ऑफिसवर रेकॉर्ड ब्रेक कमाई केली. आता रणबीर हा नितेश तिवारी दिग्दर्शित 'रामायण' (Ramayana) या सिनेमातून प्रेक्षकांच्या भेटीला येणार आहे. या सिनेमाची गेल्या काही दिवसांपासून चर्चा आहे. या सिनेमात रणबीर हा प्रभू श्री रामाची भूमिका साकारणार आहे. आता एका मुलाखतीत 'रामायण' या मालिकेत प्रभू श्री रामाची भूमिका साकारणारे अभिनेते अरुण गोविल (Arun Govil) यांनी रणबीरच्या सिनेमामधील कास्टिंगबाबत सांगितलं आहे.

रणबीरबद्दल काय म्हणाले अरुण गोविल?

एका मुलाखतीत रणबीरच्या रामायण या सिनेमातील भूमिकेबद्दल अरुण गोविल यांना विचारण्यात आलं. रणबीर ही भूमिका चांगल्या पद्धतीनं साकारेल का? असा प्रश्न जेव्हा अरुण यांनी विचारण्यात आला तेव्हा ते म्हणाले, "तो चांगली भूमिका साकारु शकतो की नाही? हे येणारा काळच सांगेल. पण रणबीरबद्दल बोलायचं झालं तर तो खूप चांगला अभिनेता आहे. तो एक पुरस्कार विजेता अभिनेता आहे. माझ्या माहितीनुसार, तो खूप संस्कारी मुलगा आहे. मी त्याला अनेकदा पाहिले आहे. मला खात्री आहे की तो भूमिका साकारण्यासाठी पूर्ण प्रयत्न करेल."

'रामायण'या सिनेमाची स्टार कास्ट

यश हा रावणाची भूमिका साकारणार आहे आणि साई पल्लवी ही सीतेची भूमिका साकारणार आहे. तसेच 'रामायण' या सिनेमामध्ये अरुण गोविल हे राजा दशरथची भूमिका साकारणार आहेत. या चित्रपटात सनी देओल हनुमानाची भूमिका साकारणार आहे, तर लारा दत्ता ही कैकेयीची भूमिका आहे. तसेच रकुल प्रीत सिंग शुपर्नाखाची भूमिका साकारणार आहे. बॉबी देओल या चित्रपटात कुंभकर्णाच्या भूमिकेत दिसणार आहे, असं म्हटलं जात आहे.

प्रभू श्री रामाच्या भूमिकेची तयारी करण्यासाठी रणबीरनं दारू आणि मांसाहाराचा त्याग केला आणि रात्री उशिरापर्यंतच्या पार्ट्यांमध्ये सहभागी होणे देखील बंद केलं आहे, असं म्हटलं जात आहे.