Bhavna Chauhan: 'मी चुकून जॉन सीना वाचलंं अन् होकार दिला..'; जॉनी सिन्ससोबतच्या जाहिरातीबाबत अभिनेत्रीने सोडलं मौन

Bhavna Chauhan: गेल्या काही दिवसांपासून अभिनेता रणवीर सिंह (Ranveer Singh) आणि पॉर्नस्टार जॉनी सिन्स ( Johnny Sins) यांच्या जाहिरातीची चर्चा सोशल मीडियावर होत आहे. या  बोल्ड जाहिरातीत अभिनेत्री भावना चौहान (Bhavna Chauhan) हिने देखील काम केलं आहे. नुकत्याच एका मुलाखतीमध्ये भावनानं सांगितलं की, तिला कल्पना नव्हती की, ती जॉनी सिन्ससोबत स्क्रीन शेअर करणार आहे. त्याऐवजी, तिला वाटले की ती जॉन सीनासोबत काम करणार आहे.

काय म्हणाली भावना?

भावनानं मुलाखतीमध्ये सांगितलं, "मी नाव चुकीचे वाचले होते. मी जॉनी सीन्सच्या ऐवजी जॉन सीना असं वाचलं. मी नाव चुकीचे का वाचले ते मला माहित नाही पण मी याचा विचार कधी स्वप्नातही केला नव्हता की जॉनी अशा जाहिरातीचा भाग असेल. मला वाटले की भारतात रेसलर खूप काम करतात आणि म्हणून मी मूर्खपणाने विचार करत होतो की, तो जॉन सीना असेल. मला जेव्हा फायनल डिटेल्स मिळाले तेव्हा मला कळालं की, ते जॉनी सिन्स होते."

जॉनी सिन्ससोबत काम करताना कसा आला अनुभव? भावना म्हणाली...

जॉनी सिन्ससोबत काम करताना कसा अनुभव आला? याबद्दल देखील भावनानं मुलाखतीत सांगितलं. ती म्हणाली, “त्याच्यासोबत काम करुन खूप मजा आली. आमची एनर्जी खूप जुळली आणि त्याने मला सांगितले की त्याला माझे काम आवडले"

कोण आहे भावना चौहान?

भावना चौहान ही अभिनेत्री आहे. तिनं रझिया सुलतान (२०१५) या टीव्ही शोमध्ये काम केलं. तसेच तिनं शिकारा (२०२०) आणि हसी तो फसी (२०१४) या चित्रपटांमध्ये देखील काम केलं.