Big Boss Marathi 4: 'जो सर्वाधिक लगोरीचे थर रचेल त्याला कॅप्टन बनण्याचा मान मिळेल' या कॅप्शनसोबत सध्या बिग बॉस मराठीचा एक व्हिडीओ सोशल मीडियावर जोरदार व्हायरल होत आहे. या व्हिडीओत घरातील सदस्य सज्ज दिसत आहेत पारंपरिक लगोरी खेळ खेळण्यासाठी, किरण माने त्यांना खेळाचे नियम समजावताना दिसत आहेत.
हेही वाचा: भारतीय मंदिरे- धार्मिकतेबरोबरच सामाजिक अंगे जपणारी केंद्रे
तेवढ्यात पुढच्या कटला व्हायरल व्हिडीओत समोर येतं,घरात एकमेकांना बकोटीत धरलंय कुणी तर कुणी कुणाच्या अंगावर बसलंय तर कुणी कुणाला घेऊन थेट काचेवर आदळलंय...मोठ्ठा राडा आजच्या भागात पहायला मिळणार हे नक्की.
बिग बॉस मराठीच्या घरात हा राडा सुरू आहे कॅप्टन्सीच्या पदावरुन आणि यासाठी यशश्री व समृद्धीची टीम आपापसात भिडणार आहेत. लगोरीचा हा खेळ पारंपरिक पद्धतीनं खेळला जायचा तिथवर ठीक होतं पण बिग बॉस मराठीच्या घरात त्याला मिळालेलं हिंसक वळण पाहून पुन्हा कोण लगोरी खेळायचं धाडस करेल की नाही हे मात्र सांगता यायचं नाही. त्रिशुल आणि प्रसादच्या झटापटीत,प्रसादनं त्रिशुलला घरातल्या काचेवर आपटलं अन् धाडकन घराची काच फुटलेली व्हिडीओत दिसतेय. आता पुढे काय घडलं त्यानंतर हे पाहण्यासाठी सारेच प्रेक्षक उत्सुक आहेत पण तितकेच चिंतेतही असल्याचं सोशल मीडियावरील कमेंटमधून लक्षात येत आहे. सदस्यांमधला हा राडा पहायचा राहून गेला असेल तर Voot वर नक्कीच पाहू शकता.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.