Bigg Boss 16: अर्चना-स्टॅनच्या वादावरुन शिव अन् प्रियंकात राडा...

टीव्ही रिअॅलिटी शो बिग बॉस 16 चा फिनाले जवळ आला आहे. दिवसेंदिवस हा शो अजून आक्रमक होत चालला आहे. घरातील सदस्य आता एकमेकांवर धावून जात आहे. घरामध्ये एकीकडे मंडळी दुसरीकडे प्रियंका आणि अर्चना असं चित्र पहायला मिळतं आहे.

गेल्या एपिसोडमध्ये टीना दत्ताला घरातून बाहेर काढण्यात आले. आता प्रियंका आणि शिव मध्ये जबरदस्त भांडण झालं आहे.

तर सोशल मीडियावर वीकेंड का वारची होस्ट बनलेल्या फराह खानला प्रियंका चहर चौधरीच्या चाहत्यांकडून ट्रोल केले जात आहे. त्याचवेळी शोचा नवा प्रोमो समोर आल्यानंतर प्रियांकाच्या चाहत्यांचा राग वाढत चालला आहे, त्यामुळे आता शोचा स्पर्धक शिव ठाकरे यांना ट्रोल केलं जात आहेत.

बिग बॉस 16 च्या आगामी भागाचा प्रोमो कलर्सने आपल्या इंस्टाग्राम पेजवर शेअर केला आहे. टीना दत्ता घरा बाहेर पडल्यानंतर प्रियांका आणि अर्चना एकत्र आल्याचे प्रोमो व्हिडिओमध्ये दिसत आहे. प्रियांका शिव ठाकरे आणि एमसी स्टेनसोबत भांडताना दिसत आहे. अर्चना एमसी स्टेनला बोलते " प्रामाणिकपणा आहे की नाही तर स्टेन अर्चनाला बोलतो तु तुझा इमान‌ विकून आली आणि मला बोलते..मला शिकवणार का? तर अर्चना स्टॅनला निघायला सांगते.

तर दुसरीकडे या भांडणात प्रियंका पडते आणि बोलते 'गंदी चाले करते हो सारे के सारे' म्हणते, तर शिवला ते सारे के सारे हे ' साले' एकू येत. तर तिच्या या बोलण्यावर शिव संतापतो. संयम असलेला शिव ठाकरे रागावर नियंत्रण गमावून बसतो आणि प्रियांकाच्या मागे धावताना दिसत आहे.

त्यामुळं आता पुन्हा घरातील स्पर्धकांमध्ये हाणामारी होईल असं चित्र दिसत आहे. आता बिगबॉसच्या घरात अजून काय काय राडे होतील हे तर आगामी भागात कळेलच.