Bigg Boss Marathi 4: आज 'बिग बॉस मराठी'ची पहिली चावडी, मांजरेकर कुणाची घेणार शाळा!

bigg boss marathi S 4 : बिग बॉस मराठीच्या घरात रोज नवा ट्विस्ट येत आहे. बिग बॉस मराठीचे चौथे पर्व सुरू होऊन पाच दिवस झाले नाही तोवरच वाद आणि भांडणांना सुरुवात झाली आहे. शिवाय वेगवेगळे टास्क, नाच-गाणी, गॉसिप, कॅप्टनसी टास्क यामुळे भलतीच रंगत येत आहे. बिग बॉस मराठीचे चौथे पर्व 2 ऑक्टोबर रोजी सुरू झाले. रविवारी 16 स्पर्धकांनी घरात प्रवेश केला. पहिल्याच दिवसापासून बिग बॉसच्या घरात मनोरंजनाचे वारे वाहू लागले आहे. शिवाय प्रत्येकाची गुपितंही बाहेर पडायला सुरुवात झाली आहे. पण प्रेक्षक आतुरतेने वाट पाहत असतात ती शनिवारची. म्हणजे बिग बॉसच्या चावडीची. महेश मांजरेकर सदस्यांची कशी शाळा लावतात हे पाहण्यासाठी सारेच उत्सुक असतात. आज ८ ऑक्टोबर रोजी बिग बॉस च्या घरातली पहिली चावडी भरणार आहे. (Bigg Boss Marathi 4 first chavdi weekend cha dav saturday episode mahesh manjrekar)

आज या पर्वातील पहिली चावडी भरणार आहे. तसेच सदस्यांचे खरे चेहरेदेखील समोर येणार आहेत. नुकताच 'बिग बॉस मराठी'च्या आगामी भागाचा एक प्रोमो आऊट झाला आहे. प्रोमोमध्ये महेश मांजरेकर म्हणत आहेत," मित्रांनो बघितलं ना आठवडाभरात यांना कसे एकाहून एक जबरदस्त धक्के बसलेत. जोशमध्ये गेलेल्या सर्वांचे चेहरे पहिल्याच आठवड्यात समोर येऊ लागलेत. सगळ्याचा जाब विचारला जाणार आहे. भेटूयात बिग बॉस मराठीच्या चावडीवर". हा प्रोमो प्रचंड व्हायरल झाला आहे.

महेश मांजरेकरांना ऐकणे आणि त्यांनी स्पर्धकांची घेतलेली फिरकी पाहणे ही एक पर्वणी असते. बिग बॉस मराठीचे तिन्ही पर्व महेश मांजरेकरांनी चांगलेच गाजवले आहेत. त्यांची बोलण्याची आणि स्पर्धकांची शाळा घेण्याची शैली प्रेक्षकांना विशेष भावते. ते जेव्हा एखाद्या स्पर्धकाला रागावतात तेव्हा आपल्यालाही भीती वाटते. अगदी पुरावे घेऊन ते समोर उभे असतात. यंदाच्या पर्वातली ही पाहिलीच शाळा असल्याने मांजरेकर कुणावर तोफ डागणार याकडे सर्वांचे लक्ष लागले आहे.