Rashami Desai: ट्विटरवरची ब्लू टिक गेली तर रश्मी इलॉन मस्कला आय लव्ह यू चं म्हणाली! ट्विट व्हायरल

सध्या सर्वत्र ट्विटरच्या ब्लू टिकची जोरदार चर्चा सुरू आहे. 21 एप्रिलच्या सकाळीच अनेक प्रसिद्ध व्यक्तींच्या ट्विटर खात्यांवरून त्यांना व्हेरिफिकेशनसाठी वापरलेली ब्लू टिक काढून टाकण्यात आली.

यानंतर सोशल मीडियावर खळबळ उडाली. ट्विटरवर सकाळपासूनच #BlueTick ट्रेंड करत आहे. बी-टाऊनमधील अनेक प्रसिद्ध व्यक्तीही यातून सुटू शकल्या नाहीत.

यात अनेक बॉलिवूड कलाकारांपासून तर टीव्ही स्टार्सनी चा देखील सामावेश आहे. यावर अनेकांनी ट्विट केलं आहे. यावर अमिताभ बच्चन यांचीही प्रतिक्रिया खुपच चर्चेत होती. आता त्यातच टिव्हि विश्वातील प्रसिद्ध कलाकर रश्मी देसाईपर्यंत अनेक कलाकार आहेत ज्यांनी यावर मजेशीर प्रतिक्रिया दिल्या आहेत.

काहींना या प्रकरणावर आश्चर्य व्यक्त केले आहेत तर काहींना याचा आनंद झाला आहे.

वीर दास यांनी ट्विट करत लिहिले की 'मला हे जग आवडते. कलाकाराच्या व्हेरिफिकेशनसाठी तिकीट खरेदी करा, टिक नाही. गुडबाय ब्लू टिक. वीर दास यांनी म्हटले आहे की, जर तुम्ही काही ट्विट केले आणि तुम्हाला ते आवडले तर ते ठीक आहे, जर तुम्हाला ते आवडत नसेल तर तुम्ही म्हणू शकता की हे माझे व्हेरिफाईड खातं नाही. हे खुपच फनी आहे.

त्याचवेळी नर्गिसनेही याबाबत ट्विट केले आहे. तिने लिहिले आहे की,'मी ट्विटरवर फारशी येत नाही, पण माझ्या लक्षात आले की माझ्या अकाउंटमधून ब्लू टिक गायब आहे. ठीक आहे, आतापासून तुम्हाला ब्लू टिकसाठी पैसे द्यावे लागतील. कोणी विकत घेईल तर त्याचा उपयोग काय असेल?'

तर छोट्या पडद्यावरिल लोकप्रिय अभिनेत्री रश्मी देसाई हिची देखील ब्यू टिक सकाळी गायब झाली. जरी ब्लू टिक जाण्याने अनेक कलाकारांना फारसा फरक पडत नाही. या यादीत अभिनेत्री रश्मी देसाईचाही समावेश आहे.

तिनंही या बद्दल ट्विट करत लिहिलं की, मला या सगळ्या बद्दल खुप छान वाटत आहे. ही सकाळ खुपच सुंदर आहे मला माहित नाही का पण आहे.. इतकच नाही तर रश्मी देसाईने तर इलॉन मस्कला आय लव्ह यू असे म्हटले आहे.