Bollywood:अनुष्का-विराटचा बदलला मुंबईतील पत्ता; आता 'या' ठिकणी राहणार भाड्याने, महिन्याचं भाडं ऐकाल तर..

Anushka Sharma-Virat Kohli:अनुष्का शर्मा आणि विराट कोहली संदर्भात एक मोठी बातमी समोर येत आहे. अनुष्का आणि विराट आपल्या नव्या घरामुळे सध्या चर्चेत आहेत. काही दिवस आधी कपलने गायक किशोर कुमार यांच्या जुहू स्थित बंगल्याला भाडेतत्वावर घेतलं होतं. तर आता पुन्हा एक बातमी समोर आली आहे की विराट-अनुष्का यांनी मुंबईत भाड्यावर आणखी एक नवीन फ्लॅट घेतला आहे. या फ्लॅटचं भाडं ऐकाल तर किंमत ऐकून नक्कीच चक्रावून जाल एवढं मात्र नक्की. आणि अर्थात हा प्रश्न तर नक्कीच पडेल की कोट्याधीश असूनही सटासट भाडेतत्त्वावर का जागा घेत चाललेयत?(Anushka Sharma-Virat Kohli rent a home in juhu, read details inside)

रिपोर्टनुसार, अनुष्का शर्मा आणि विराट कोहलीने मुंबईच्या जुहू मध्ये एक फ्लॅट खरेदी केला आहे. कपलचा हा आलिशान फ्लॅट एका उंच इमारतीत चौथ्या मजल्यावर आहे. बोललं जात आहे की, १६५० स्क्वेअर फीट मध्ये पसरलेल्या या फ्लॅटचे भाडे २. ७६ लाख महिना असे आहे. म्हणजे अनुष्का आणि विराट कोहली या लक्झरी फ्लॅटसाठी दर महिन्याला जवळपास पावणे तीन लाख रुपये भाडं देणार आहेत.

बातम्या तर अशा देखील आहेत की विराट आणि अनुष्काने आपल्या स्वीट होमसाठी जवळपास साडेसात लाख रुपये डिपॉझिट देखील भरलं आहे. मिळालेल्या माहितीनुसार अनुष्का आणि विराटनं घेतलेला हा भाड्याचा फ्लॅट माजी क्रिकेटर समरजीतसिंग गायकवाडचा आहे. या नव्या आलिशान घरातून अनुष्का आणि विराट रोज समुद्राचा अद्भुत नजारा आता पाहू शकणार आहेत.

हेही वाचा: Elon Musk Takeover Twitter : ट्विटरची टिवटिव थांबणार का?

अनुष्का शर्मा आणि विराट कोहलीने याआधी ऑक्टोबरमध्ये प्रसिद्ध गायक-अभिनेता किशोर कुमार यांचा बंगला भाड्याने घेतला होता. बोललं जात आहे की या दोघांनी इथे एक रेस्टॉरंट सुरू केलं आहे.

याव्यतिरिक्त वरळी येथील ओमकार बिल्डिंगमध्ये ३५ व्या मजल्यावर अनुष्का-विराटचा स्वतःचा हक्काचा फ्लॅट आहे. बातम्यांनुसार,विराट-अनुष्काच्या लक्झरी फ्लॅटची किंमत जवळपास ३४ करोड रुपये आहे. त्यांच्या घरात त्या सर्व सुविधा आहेत,ज्यांना पाहिल्यानंतर नक्कीच तिथून कुणाचाच पाय बाहेर पडणार नाही. एवढंच नाही तर या दोघांचा वर्सोवा येथे देखील एक महागडा फ्लॅट आहे.