Flop Bollywood: 'आपले पैसे कुठे जातात? टेन्शन घ्यायचं नाही', तब्बुचं अजब विधान

Bollywood Movies: कोरोनानंतर मनोरंजन विश्वाची अवस्था म्हणावी तितकी चांगली नाही. त्यातही बॉलीवूडच्या वाट्याला येणारं अपयश हे निर्माते आणि (bollywood news) दिग्दर्शकांना सलत आहे. टॉलीवूडच्या चित्रपटांकडून होणारी भरघोस कमाई बॉलीवूडच्या चिंतेचे कारण आहे. गेल्या वर्षी अल्लु अर्जुनच्या (bollywood vs tollywood) पुष्पापासून सुरु झालेला हा प्रवास कमल हासन यांच्या विक्रमपर्यत जोरदार सुरु आहे. अशावेळी बॉलीवूडच्या अनेक सेलिब्रेटींनी यावर प्रतिक्रिया दिल्या आहेत. आता बॉलीवू़डची प्रसिद्ध अभिनेत्री तब्बुनं देखील बॉलीवूडला येणारं सततचं अपयश पाहून कलाकारांना एक सल्ला दिला आहे. तिचं ते विधान सोशल मीडियावर चर्चेत आलं आहे.

आपल्या रोखठोक स्वभावासाठी ओळखली जाणारी अभिनेत्री म्हणून तब्बुचे नाव घेतले जाते. आगळ्या वेगळ्या अभिनय शैलीनं तिनं स्वताची छाप बॉलीवूडमध्ये उमटवली आहे. गेल्या काही दिवसांपासून बॉलीवूड विरुद्ध टॉलीवूड असा वाद सुरु झाला आहे. त्यात बॉलीवूडच्या चित्रपटांना प्रेक्षकांचा मिळणारा प्रतिसाद हा थंड आहे. तुलनेनं टॉलीवूडच्या चित्रपटांना मिळालेला यश हे नजरेत भरणारं आहे. अशावेळी बॉलीवूडच्या खान कलाकार मंडळींनी देखील चिंता व्यक्त केली होती. सध्या आमिर खानच्या लाल सिंग चढ्ढा आणि अक्षय कुमारच्या रक्षाबंधनवर बहिष्काराची मागणी घालण्यात आली आहे.

बॉक्स ऑफिसवर तब्बुचा भुलभुलैय़्या 2 यशस्वी झाला होता. त्याला प्रेक्षकांचा मोठा प्रतिसाद मिळाल्याचे दिसून आले. यासगळ्यात तब्बुनं केलेलं विधान चर्चेत आलं आहे. ती म्हणते, मला माहिती आहे की, बॉलीवूडवर नेटकऱ्यांचा, प्रेक्षकांचा राग आहे. अशावेळी कलाकारांनी कोणतंही टेन्शन घेऊ नये. त्यांनी या गोष्टीचा फार विचारही करु नये. याचे कारण आपले पैसे काही जात नाही. आपल्याला आपलं मानधन मिळतं. आपलं काम व्यवस्थित असलं आणि चित्रपट चांगला असला की बाकी बोलण्याची गरज नाही. अशा प्रकारची प्रतिक्रिया तब्बुनं दिली आहे. तिच्या या प्रतिक्रियेची सोशल मीडियावर मोठ्या प्रमाणात चर्चा आहे.

गेल्या चार दशकांहून अधिक काळ तब्बु ही बॉलीवूडमध्ये सक्रिय असणारी अभिनेत्री आहे. एका मुलाखतीमध्ये तिला एका अभिनेत्याची ब्रँड व्हॅल्यु आणि बॉक्स ऑफिसच्या माध्यमातून त्याची प्रोग्रेस जाणून घेण्यासाठीची प्रोसेस काय आहे असा प्रश्न तिला विचारण्यात आला तेव्हा तिनं रोखठोक मत व्यक्त केलं आहे. जेव्हा एखादा चित्रपट हिट होतो तेव्हा कोणत्या ना कोणत्या पद्धतीनं सगळ्यांना फायदा होतच असतो. मात्र जेव्हा तो फ्लॉप होतो तेव्हा मला माहिती नाही की, कुणाला किती नुकसान होते, असं तब्बु म्हणाली होती.