Munna Bhai-3 संदर्भात अर्शद वारसीचे मोठं वक्तव्य

‘मुन्नाभाई एमबीबीएस’, ‘जॉली एलएलबी’ आणि ‘गोलमाल’ या मालिकेतील चित्रपटांमध्ये आपल्या खट्याळ अभिनयाने प्रेक्षकांचे मनोरंजन करणारा अभिनेता अरशद वारसी सध्या कॉमेडीपासून वेगवेगळ्या पात्रांचे प्रयोग करत आहे. सध्या त्याने एक इंग्रजी वृत्त संस्थेला दिलेली मुलाखत चर्चेत आली आहे. यावेळी त्याने मुन्ना भाई ३ बद्दल मोठं वक्तव्य केलं आहे.

2003 चा 'मुन्ना भाई M.B.B.S' चित्रपट असो किंवा 2006 चा 'लगे रहो मुन्ना भाई'. या दोन्ही चित्रपटांना चाहत्यांचे भरभरून प्रेम मिळाले असून आता या चित्रपटाच्या तिसऱ्या भागाची चर्चा आहे.

अशातच सर्किटची भूमिका साकारणारा अरशदने मोठं वक्तव्य केलं आहे. त्याने हा चित्रपट प्रदर्शित होण्यावर संभ्रम अवस्था दाखवली आहे. एका वृत्तसंस्थेला दिलेल्या मुलाखतीदरम्यान अरशदने मुन्नाभाई एमबीबीएसने माझ्या करिअरला नवा ट्रॅक दिला. त्याआधी तीन-चार वर्षे माझ्याकडे एकही चित्रपट नव्हता. मी नजरेआड गेलो होतो! अशी भावना व्यक्त केली.

त्याच्या या वक्तव्या नंतर मुन्ना भाई पार्ट ३ बद्दल त्याला विचारण्यात आलं. तेव्हा 'लगे रहो मुन्ना भाई'ची आम्ही 16 वर्षांपासून वाट पाहत आहोत. खरे सांगायचे तर, मला वाटत नाही भाग 3 प्रदर्शित होईल. पण माझी आशा आहे की, या तिसऱ्या पार्टचा शेवट आम्ही चांगल्या प्रकारं करु. आम्ही प्रेक्षकांचे खूप ऋणी आहोत, पण मुन्ना भाई या चित्रपटाला खुपच वेळ लागत आहे. अशी प्रतिक्रीया त्याने दिली.

संजय दत्तने केला होता खुलासा

रिपोर्टनुसार, संजय दत्तने एका मुलाखतीत सांगितले की, चित्रपटाचे दिग्दर्शक राजकुमार हिरानी मुन्ना भाई पार्ट ३ चा विचार करत आहेत. आणि मलादेखील या चित्रपटाबद्दल आशा आहे.

त्याच्या या वक्तव्यानंतर मुन्ना भाई पार्ट ३ ची चर्चा रंगली आहे. काही दिवसांपूर्वी त्याची स्क्रिप्टदेखील तयार झाली असल्याचे बोलले जात होते. मात्र, अरशदच्या या वक्तव्यामुळं चाहते देखील संभ्रमात पडलं आहेत.