'देवों के देव महादेव' फेम मोहित रैनाच्या तक्रारीनंतर चौघांविरोधात गुन्हा दाखल

'देवों के देव महादेव' devon ke dev mahadev फेम अभिनेता मोहित रैना Mohit Raina याने चार जणांविरोधात गोरेगाव पोलिस ठाण्यात गुन्हा नोंदवला आहे. याप्रकरणी पोलिस पुढील तपास करणार आहेत. काही दिवसांपूर्वीच मोहित रैनाबद्दल एक धक्कादायक दावा करण्यात आला होता. मोहितची कथित स्वयंघोषित शुभचिंतक सारा शर्मा Sara Sharma हिने सोशल मीडियावर 'सेव्ह मोहित' ही मोहीम चालवली होती. मोहितच्या जिवाला धोका आहे, असं तिचं म्हणणं होतं. सुशांत सिंह राजपूतप्रमाणे मोहित रैनाचाही मृत्यू होऊ शकतो, असं ती म्हणाली होती. मात्र नंतर मोहितचे कुटुंबीय आणि स्वत: मोहितने समोर येऊन मी अगदी फिट आणि फाइन असल्याचं सांगितलं. या घटनेनंतर मोहितने न्यायालयात धाव घेतली होती. (case against four after complaint registered by devon ke dev mahadev fame actor mohit raina)

त्यानुसार बोरिवली न्यायालयाने संबधित पोलिसांना मोहितचा जबाब नोंदवून तपास करण्याच्या सूचना दिल्या आहेत. गोरेगाव पोलिसांनी मोहितचा जबाब नोंदवून सारा शर्मा आणि तिच्यासोबत परवीन शर्मा, आशिव शर्मा, मिथीलेश तिवारी यांच्याकडून ञास दिल्याचे रैना यांनी तक्रारीत म्हटले आहे. रैना यांच्या तक्रारीनुसार पोलिसांनी या चौघांवर गुन्हेगारी कट रचने, पोलिसांना चुकीची माहिती देणे, धमकी देणे आणि खंडणी मागितल्याप्रकरणी गुन्हा दाखल केला आहे. या प्रकरणी अधिक तपास गोरेगाव पोलिस करत आहेत.

मोहितने 2005 पासून अभिनयाला सुरूवात केली. पण 'देवों के देव महादेव' या मालिकेमुळे त्याला विशेष ओळख मिळाली. त्यानंतर त्याची सम्राट अशोकमधील भूमिकाही प्रेक्षकांनी उचलून धरली. 'उरी' चित्रपटातील त्याची छोटी पण महत्त्वाची भूमिका प्रेक्षकांच्या मनात घर करून घेली होती. त्यानंतर 'भौकाल'मध्ये त्याने अभिनेत्री दिया मिर्झासोबत काम केले होते. सारा शर्मा ही देखील अभिनय क्षेत्रात असून तेलुगू चित्रपटसृष्टीत ती काम करते.