Sunny Deol: बॉलीवुडला अनेक हिट चित्रपट देणारा अॅक्शन बॉय सनी देओल लवकरच त्याच्या चुप या चित्रपटातून प्रेक्षकांच्या भेटीला येणार आहे. सनीचे वडील धर्मेंद्र यांनीही बॉलीवुडला एवरग्रीन चित्रपट दिले आहेत. आपल्या वडिलांसारखं बॉलीवुडमध्ये कोणी नाही. ते सर्वगुणसंपन्न आहेत असं कायम सनीला वाटत असतं. सनीने त्यांच्या वडिलांबाबत मोठं विधान करत त्यांचं मनभरून कौतुक केलंय. ( Appreciates father Dharmendra stardom)
सनीच्या फिल्मी कारकिर्दीचा आदर्श त्याने त्याच्या वडिलांकडूनच घेतला असं तो कायम सांगत असतो. वडिलांची स्तुती करताना तो म्हणतो, 'माझे वडील सर्वच पात्रांत काम करणारे एवमेव अभिनेते आहेत. त्यांनी कुठलीही भूमिका करण्यास कधी नाही म्हटले नाही. चुपके चुपके, शोले, प्रतिज्ञा, फुल और पत्थर यांसारख्या चित्रपटांत त्यानी उत्तम भूमिका साकारल्या आहेत. मला अनेकदा असं वाटतं की मीही माझ्या वडीलांच्या काळात अॅक्टिव्ह असतो तर फार छान झालं असतं.'
माध्यमांशी बोलताना सनीने बॉलीवुडमधील आजच्या स्क्रिप्ट रायटर आणि डायरेक्टर्सवर मोठं विधान केलंय. त्या काळी लेखक आणि दिग्दर्शकांची चित्रपटांतील भावनांवर मजबूत पकड होती. मात्र आजच्या चित्रपटांत त्या भावना लुप्त झाल्या आहेत. चित्रपटांतील त्यांच्या वडिलांचा प्रवास सांगताना तो म्हणाला की, माझे वडील एका दिवशी अनेक चित्रपटांच्या शुटिंगला जायचे. त्याकाळचे लेखक आणि डायरेक्टरही तेवढेच चांगले होते.
सनी पुढे म्हणतो, त्या काळी लिहिलेल्या स्क्रिप्टही नसायच्या, सगळं काही कथानकांवर आधारित असायचं. आजच्या कलाकारांकडे बाऊंड स्क्रिप्ट असते तरीही ते मागे आहेत. त्यामुळे मला असं वाटतं मी माझ्या वडिलांच्या काळात या क्षेत्रात असायला हवं होतं. माहितीसाठी सनीचा चुप हा चित्रपट २३ सप्टेंबरला रिलीड होणार आहे. हा चित्रपट आर बाल्की निर्देशित आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
