आधी लग्न कोण करणार, दीपिका की आलिया...

दीपिका पदुकोन आणि आलिया भट लवकरच करण जोहरच्या कॉफी विथ करण या शोमध्ये सहभागी होणार आहेत. या दोघींना एकत्र शोमध्ये पाहण्यासाठी चाहतेही उत्सुक आहेत. रणबीर कपूर हेही त्यामागचे एक कारण आहे. दीपिका आणि रणबीर एकेकाळी एकमेकांच्या प्रेमात होते. परंतु नंतर ते वेगळे झाले.

आता रणबीर आणि आलिया भट एकमेकांना डेट करत आहेत. त्यामुळे या दोघांचे एकत्र येणे उत्सुकतेचा विषय ठरणार आहे. करणने त्याच्या सोशल अकाउंटवर आलिया आणि दीपिकासोबतच्या एपिसोडचा ट्रेलर शेअर केला आहे.

यात करण या दोघींना काही मजेशीर प्रश्‍न विचारत असून, त्याला तेवढीच मजेदार उत्तरे या दोघी देताना दिसत आहेत. तुमच्या दोघींपैकी आधी लग्न कोण करणार, या प्रश्‍नावर दीपिका आणि आलिया एकमेकींकडे बोट दाखवून हसताना दिसतात. यावर आलिया दीपिकाला तू खोट बोलत असल्याचे सांगते. या वर्षाच्या अखेरीस दीपिका पदुकोण आणि रणबीरसिंग लग्न करणार असल्याच्या चर्चा आहेत.