बॉडीगार्डला दीपिका मानते भाऊ; देते तब्बल इतका पगार

बॉलिवूडमध्ये आघाडीच्या अभिनेत्रींमध्ये दीपिका पादुकोणचं नाव आवर्जून घेतलं जातं. 'ओम शांती ओम' या चित्रपटातून बॉलिवूडमध्ये पदार्पण करणाऱ्या दीपिकाचा चाहतावर्ग खूप मोठा आहे. कोणत्याही कार्यक्रमात किंवा दीपिका कुठेही गेली तरी तिची एक झलक पाहण्यासाठी चाहते प्रचंड गर्दी करतात. अशा वेळी तिच्या सुरक्षेची महत्त्वपूर्ण जबाबदारी ही तिच्या बॉडीगार्डवर असते. दीपिकाच्या बॉडीगार्डचं नाव जलाल असून ती त्याला भाऊ मानते. रक्षाबंधनला राखी बांधताना फोटो दीपिकाने सोशल मीडियावर पोस्ट केल्यापासून जलाल चांगलाच चर्चेत आला आहे. 

जलाल गेल्या अनेक वर्षांपासून दीपिकासाठी काम करतोय. दीपिकाच्या आयुष्यात महत्त्वपूर्ण भूमिका बजावणाऱ्या जलालला ती किती पगार देते माहितीये का? जलालला वर्षभराचे तब्बल ८० लाख रुपये दीपिकाकडून मिळतात. ही आकडेवारी २०१७ ची असून आता त्याचा पगार १ कोटी रुपयांपर्यंत गेला असेल, असं म्हटलं जातं. दीपिका व रणवीर सिंहच्या लग्नातही जलाल सुरक्षारक्षक म्हणून महत्त्वपूर्ण भूमिका बजावत होता. 

हेही वाचा : दिया मिर्झाची नव्याने सुरुवात; पाहा लग्नसोहळ्यातील खास क्षण

हेही वाचा : 'आमच्या स्वप्नांची गुरुकिल्ली'; मराठी अभिनेत्रीने मुंबईत घेतलं घर

दीपिकाप्रमाणेच बॉलिवूडमधील इतरही सेलिब्रिटी त्यांच्या बॉडीगार्डला पगार म्हणून भरभक्कम रक्कम देतात. अभिनेता सलमान खानचा बॉडीगार्ड शेरा अनेकांनाच माहीत आहे. शेराला सलमानकडून वर्षभराचे दोन कोटी रुपये मिळतात. तर अनुष्का शर्मा तिच्या बॉडीगार्डला १.२ कोटी रुपये देते. प्रकाश सिंह असं तिच्या बॉडीगार्डचं नाव आहे. बॉलिवूडचा किंग खान अर्थात शाहरुख त्याच्या बॉडीगार्डला सर्वाधिक पगार देत असल्याचं म्हटलं जातं. रवी सिंह हा गेल्या नऊ-दहा वर्षांपासून शाहरुखचा बॉडीगार्ड आहे. शाहरुख त्याला २.६ कोटी रुपये दर वर्षाला देतो.