'आनंद दिघे तर बरे होते मग अचानक गेले कसे?.. 'तो' व्हिडिओ होतोय व्हायरल.. | Sakal
sakal

बोलून बातमी शोधा

dharmveer movie last scene gets viral about anand dighe death reason

'आनंद दिघे तर बरे होते मग अचानक गेले कसे?.. 'तो' व्हिडिओ होतोय व्हायरल..

Maharashtra Politics : शिवसेनेत सुरू असलेलं बंडाचं राजकारण कोणत्या दिशेला जाईल याचा कुणालाही भरोसा राहिलेला नाही. शिवसेनेच्या 40 आमदारांना घेऊन शिवसेनेचे ज्येष्ठ नेते एकनाथ शिंदे (eknath shinde) गुवाहाटीला रवाना झाल्याने महाविकास आघाडी सरकार डळमळीत झाले आहे. शिवसेनेच्या पदाधिकाऱ्यांचा शिंदे यांना पाठींबा मिळत असला तरी कार्यकर्ते मात्र सेनेच्या बाजूने ठामपणे उभे आहेत. पण शिंदे यांच्या या भूमिकेवर एकनाथ शिंदे यांनी एक ट्विट केले होते. त्या ट्विट नंतर नव्या चर्चाना उधान आले आहे. शिवाय धर्मवीर (dharmveer marathi movie) चित्रपटातील एक सीनही कालपसून व्हायरल होत आहे . (dharmveer movie last scene gets viral about anand dighe death reason)

हेही वाचा: ...आणि राज बब्बर स्मिता पाटीलच्या प्रेमात! पण समाजाला हे..

या ट्विट मध्ये नारायण राणे (narayan rane tweet on eknath shinde) म्हणाले होते, 'शाब्बास एकनाथजी योग्य वेळी योग्य निर्णय घेतलास, नाही तर लवकरच तुझा आनंद दिघे झाला असता,' असं नारायण राणे यांनी म्हटलं होतं. त्यानंतर सोशल मीडियावर आनंद दिघे यांच्या मृत्यूबद्दल बोललं जात आहे. त्यांच्या मृत्यूचं कारण नेमकं काय? यावर सोशल मीडियावर चर्चा सुरू आहे. त्यासोबतच आनंद दिघे यांच्या मृत्यू विषयी भाष्य करणारा चित्रपटातील एक सीन ही व्हायरल होत आहे. (anand dighe death reason)

चित्रपटात शेवटच्या सीनमध्ये आनंद दिघे यांच्या निधनानंतर एक व्यक्ती रडणाऱ्या कार्यकर्त्याला विचारते, 'दिघे कशामुळे गेले?' यावर तो कार्यकर्ता 'हार्ट अटॅक ने गेले' असं सांगतो. यावर तो व्यक्ती म्हणतो, 'कुणी सांगितलं' त्यावर कार्यकर्ता म्हणतो 'डॉक्टरांनी'. मग तो व्यक्ती त्या कार्यकर्त्याला म्हणतो, 'तुम्ही रिपोर्ट पाहिले का?' सात वाजेपर्यंत साहेब बरे होते आणि अचानक गेले' आणि एका प्रश्नार्थक नजरेने तो कार्यकर्त्याकडे पाहतो. कालपासून हा सीन प्रचंड व्हायरल होत आहे. शिवाय आनंद दिघे यांचा मृत्यू, एकनाथ शिंदे यांची आताची भूमिका याचाही संबंध जोडला जात आहे.

Web Title: Dharmveer Movie Last Scene Gets Viral About Anand Dighe Death Reason

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top