Dinesh Phadnis: केवळ हिंदीच नाही तर या मराठी चित्रपटातही केलाय 'फ्रेडी'ने अभिनय

Dinesh Phadnis: सी. आय. डी. (CID) फेम फ्रेडी म्हणजेच अभिनेते दिनेश फडणीस यांचं आज निधन झालंय. त्यांचं ५७ व्या वर्षी निधन झालं. दिनेश फडणीस यांनी साकारलेली सी.आय.डी. मालिकेतील फ्रेडीची भूमिका कमालीची लोकप्रिय ठरली.

दिनेश फडणीस हिंदी मालिका - सिनेमांमध्ये अभिनय केला. त्यांनी साकारलेल्या छोट्या भूमिकाही प्रेक्षकांच्या चांगल्याच लक्षात राहिल्या. दिनेश यांनी केवळ हिंदीच नाही तर मराठी सिनेमांमध्येही अभिनय केलाय.

दिनेश यांनी या मराठी सिनेमात केला अभिनय

दिनेश यांची CID मालिकेतील फ्रेडीची भूमिका लोकप्रिय झाली. अनेकांना माहित नसेल की दिनेश यांनी एका मराठी सिनेमातही केलाय. हा सिनेमा म्हणजे भरला हा मळवट रक्तानं.

१९९३ साली रिलीज झालेल्या या मराठी सिनेमाचं दिग्दर्शन प्रदीप हळदणकर यांनी केलंय. प्रसाद आठल्ये, रविंद्र बेर्डे, सुहाल भालेकर, तुषार दळवी, नागेश भाेसले असे दिग्गज कलाकार या सिनेमात होते.

दिनेश फडणीस यांचं वर्कफ्रंट

दिनेश फडणीस यांनी 'सीआयडी'मध्ये अनेक वर्षे काम केले. 1998 ते 2018 पर्यंत त्यांनी फ्रेडरिकची भूमिका साकारली. याशिवाय 'तारक मेहता का उल्टा चष्मा'मध्येही ते छोट्या भूमिकेत दिसले होते. शोमधील त्यांची फनी स्टाइल सर्वांनाच आवडली.

इतकंच नाही तर सीआयडी व्यतिरिक्त दिनेश यांनी अदालत, सीआयडी स्पेशल ब्युरो, तारक मेहता का उल्टा चष्मा या मालिकांमध्येही अभिनय केलाय. याशिवाय ते आमिर खानच्या चित्रपट 'सरफरोश' आणि हृतिक रोशनच्या 'सुपर ३०'मध्येही दिसला होते.