'अशा अफवांवर विश्वास ठेवू नका'; 'अरुंधती'च्या 'त्या' फोटोची चर्चा

Aai Kuthe Kay Karte 'आई कुठे काय करते' या लोकप्रिय मालिकेत अरुंधतीची भूमिका साकारणारी अभिनेत्री मधुराणी गोखले प्रभुलकर Madhurani Prabhulkar सध्या सोशल मीडियावर चर्चेत आहे. मधुराणीने तिच्या इन्स्टाग्राम अकाऊंटवर एक फोटो पोस्ट केला आहे. एका नव्या लूकमध्ये तिने हा फोटो पोस्ट केला असून त्याचसोबत चाहत्यांना तिने विनंती केली आहे. मधुराणी या फोटोमध्ये डेनिम जॅकेट आणि पँट अशा एकदम 'कूल' लूकमध्ये पहायला मिळत आहे. 'हा आहे अरुंधतीचा नवा लूक, अशा अफवांवर विश्वास ठेवू नका,' असं तिने या या फोटोच्या कॅप्शनमध्ये स्पष्ट केलं आहे. मालिकेतील कथानक पाहता आता अरुंधती तिचा लूक बदलणार की काय, असा प्रश्न चाहत्यांना पडू नये म्हणून तिने आधीच हे स्पष्ट केलं आहे.

मधुराणीच्या या फोटोवर अनेकांनी कमेंट्स केले आहेत. 'अरुंधती अशी झाली तरी आवडेल,' असं एकाने म्हटलंय. तर 'असेल नवीन लूक तरी काही हरकत नाही. अरुंधती नेहमीच लाडकी आहे सर्वांची,' असं दुसऱ्याने लिहिलं. 'असा लूक ठेवा मग अनिरुद्धचा चेहरा बघण्यासारखा असेल,' असा सल्ला एकाने दिला आहे. याआधीही मधुराणीचा असाच एक लूक सोशल मीडियावर चर्चेत होता.

आई कुठे काय करते ही मालिका सध्या अतिशय उत्कंठावर्धक वळणावर येऊन पोहोचली आहे. अविनाशला पैशांची मदत करण्यासाठी अरुंधतीने समृद्धी बंगला गहाण ठेवला. ही गोष्ट देशमुख कुटुंबाच्या लक्षात आल्यानंतर प्रत्येकाकडूनच उलट सुलट प्रतिक्रिया मिळाल्या. अनिरुद्ध आणि संजनाने तर समृद्धी बंगला विकण्यासाठीचाच प्रस्ताव मांडला. मात्र या कठीण प्रसंगातही खचून न जाता अरुंधतीने ठामपणे उभं रहायचं ठरवलं आहे. घरात एकीकडे तणावाचं वातावरण असताना मालिकेत लवकरच एका नव्या पात्राची एण्ट्री होणार आहे.