Boney Kapoor: 'जान्हवीची तुलना श्रीदेवीसोबत करू नका, माझ्या लेकीने तर..', बोनी कपूर स्पष्टच बोलले... Janhavi Kapoor | Sakal
sakal

बोलून बातमी शोधा

'Don't compare my baby with Sridevi'; Janhvi Kapoor's father Boney Kapoor defends his daughter

Boney Kapoor: 'जान्हवीची तुलना श्रीदेवीसोबत करू नका, माझ्या लेकीने तर..', बोनी कपूर स्पष्टच बोलले...

Boney Kapoor: बोनी कपूर यांच्या 'मिली' या सिनेमाचा थरारक ट्रेलर नुकताच रिलीज झालाय. या सिनेमात त्यांचीच मुलगी म्हणजेच अभिनेत्री जान्हवी कपूर मुख्य भूमिकेत आहे. जान्हवी पहिल्यांदाच तिच्या वडिलांसोबत काम करतेय. 'मिली' सिनेमाचा ट्रेलर लॉन्च होताच सगळीकडे सिनेमाची चर्चा सुरू झाली आहे. या सिनेमाच्या ट्रेलर लॉन्च सोहळ्यात बोनी कपूर यांनी जान्हवीचं भरभरून कौतुक केलं. तर याचवेळी त्यांनी प्रेक्षकांना एक विनंती देखील केली. जान्हवीची तुलना तिच्या आईसोबत म्हणजेच दिवंगत अभिनेत्री श्रीदेवी यांच्याशी करू नये असं ते म्हणाले. यावेळी बोनी कपूर लेकीचं कौतुक करण्यात इतके वाहवत गेले की शेवटी जान्हवीलाच त्यांना थांबवावं लागलं.(Sridevi'; Janhvi Kapoor's father Boney Kapoor defends his daughter)

हेही वाचा: Vaishali Takkar Suicide: '...नाहीतर माझ्या आत्म्यास शांती मिळणार नाही, वैशालीच्या सुसाईड नोटनं खळबळ

जान्हवी कपूर आपल्या आईच्या पावलांवर पाऊल ठेवत अभिनय क्षेत्राकडे वळली. 'धडक' या सिनेमातून तिने बॉलीवूडमध्ये पदार्पण केलं. तिच्या सौंदर्याने कायमच सगळ्यांना भुरळ घातली. मात्र असं असलं तरी अभिनयाच्या बाबतीत मात्र जान्हवीची तिच्या आईशी म्हणजेच दिवंगत अभिनेत्री श्रीदेवी यांच्यासोबत तुलना केली गेली.

हेही वाचा: 450 वर्ष जुन्या महालात हंसिका घेणार सात फेरे!

श्रीदेवी यांच्यासारखा अभिनय जान्हवीला जमत नाही असं म्हणत तिला अनेकदा ट्रोलही केलं गेलंय. यावर आता बोनी कपूर यांनी मौन सोडत जान्हवीला पाठिंबा दिला आहे. ते म्हणाले "आपली भूमिका समजून ती मांडण्याची प्रत्येकाची एक वेगळी पद्धत असते. प्रत्येक भूमिकेत पूर्णपणे शिरून ती साकारणं ही श्रीदेवी यांची खासियत होती. जान्हवीने देखील ते आत्मसात केलं आहे. ती केवळ भूमिका साकारत नाही तर त्या भूमिकेशी एकरूप होते. तिची प्रगती तुम्ही दिवसेंदिवस पहात आहातच."

हेही वाचा: Big Boss Marathi 4: फक्त मारामारीच व्हायची राहिली बाकी, अमृता-यशश्रीमध्ये जुंपली

पुढे ते म्हणाले "श्रीदेवीने बालकलाकार म्हणून काम करण्यास सुरुवात केली होती. दक्षिणेत दीडशे ते दोनशे सिनेमा केल्यानंतर उत्तर भारतातील लोकांनी तिला हिंदी सिनेमात पाहिलं. प्रत्येक भूमिका समजून घेण्यात ती हुशार होती. माझ्या मुलीनं तर आत्ताच प्रवास सुरू केला आहे. त्यामुळे कृपया तिची तुलना तिच्या आईच्या कोणत्याही कामाशी करू नका."

दरम्यान 4 नोव्हेंबरला 'मिली' हा सिनेमा चित्रपटगृहांमध्ये प्रदर्शित होणार आहे.राष्ट्रीय पुरस्कार विजेते मथुकुट्टी झेवियर या सिनेमाचं दिग्दर्शन करत आहेत. 2019 सालातील त्यांच्याच 'हेलन' या मल्याळम सिनेमाचा 'मिली' हा रिमेक आहे. जान्हवी कपूर सोबतच या सिनेमात अभिनेता मनोज पाहवा आणि सनी कौशल प्रमुख भूमिकेत झळकतील.